Wa Sarabyin Francis kawn Ethiopia,Zambia, Tanzania, Burundi, Qatar and Mauritania kaw na gawng malai hku sa du ai ( ambassadors ) sumtsan hkring mang salang ni hpe hkap tau hkalum la ai hta kun dinghku nta, myit mada shara , simsa lam nga ai hku nna bai myit dum lu na matu madun dan lai wa ai.
Wa Sarabyin kawn shawng nnan hku nna mungdan kata na masha law law a myit ningmu gaw “one human family” shinggyim kun dinghku langai sha rai nga ai lam hpe tsun let, “noble work of diplomacy” ngu ai a manu shadan ai lam ni hte madang tsaw hkra galaw na gaw anhte kun dinghku nta hta shawng nnan “asak hkrung nna sak jaw nga ai lam re hpe tsun lai wa ai.
Wa Sarabyin kawn Mungdan shagu na gawng malai hku sa du ai ni hpe matut nna kahpu kanau ni zawn myit hkrum mang rum let tinang a htunghking hpe.. gaw sharawt na lam tsun let daini na anhte a kun dinghku mungdan kata na arung arai ni gaw majan tsin yam a majaw hten za mat nga ai hpe myit npyaw ai lam tsun lai wa ai.Wa Sarabyin kawn anhte hta masha shada da karum shingtau ai lam ni yawng gaw “conflict” ngu na nhkrum nra kahtik kahtawk lam ni amajaw yak wa ai hpe myit yawn ai hte tsun lai wa ai, anhte hta bu htawt sit ra ai lam hte nga shara ni n nga wa ai, masha dut sha ai lam hte makau grupbyin shingra maka ni hten za ai hte sut masa lam ni nru nra rai wa ai..bai Mungdan shagu hkan hta ma shangai shadang yawm wa ai ni hpe myit yawn hpa hku nna mung tsun lai wa ai.
Ndai lam ni hte seng nna anhte ni shada da tinang chye ai hpaji ningmu ni hte rau jahkrum bawngban ai lam ni hpe galaw na gaw ahkyak nga ai. Anhte ni a myit masin dingman san seng ai hpe npawt shatai rai nna shada da mahtai tam ai hte karan kachyan lam hpe galaw sa wa na hte mungkan ting gaw nta masha langai hku shada da kahpu kanau zawn myit hkam la ra ai hpe n gun dat na matu tsun lai wa ai.Ndai zawn (challenges) dahkat ai lam ni a mahtai gaw du wa na Nawku hpung a Jubilee shaning a myit mada lam “hope” gaw madung rai nga ai hpe tsun lai wa ai. Myit mada ai lam gaw anhte nga ai Mungkan kaw na gaja ai lam ni hpe masat shagrin ya nna, anhte ni a prat hta san jep daw dan ai lam ni hkrum sha wa ai rai yang anhte hpe n gun jaw ya nga ai hpe tsun lai wa ai.
Wa Sarabyin kawn (ambassadors) sumtsan salang ni ngu ai gaw myit mada lam a kum la ni rai nga ai (sign of hope) shakum zawn n rai nga ai (not walls) anhte gaw masha ni a lapran hta mahkrai hkrai (bridge) na matu mahkrun tam nga ai La ni, Num ni rai nga ai, bai nna myit bung ai shara, shada da chye na ai lam, ngang kang ai manang hku kanawn mazum ai lam ni mung naw ra nga ai hpe tsun shadum lai wa ai.Wa Sarabyin Francis kawn Mungdan hte mung masha ni hpe “kahpu kanau zawn simsa ai hku rau nga sa nna shawng lam hkrun lam hta shada da karum shingtau hkat ra ai lit ni nga ai hpe madi madun ya ai hpang, simsa lam a myit ningmu nkau mi gaw “shaprai mat nmai ai anhte a arawng sadang ni hta masha hpe hkalum la ai hte masat masa hku nna kanawn mazum ai hta ru jung (rooted) taw ai hpe tsun lai wa ai.
Wa Sarabyin kawn anhte a hkrit tsang chye ai hte hpa n sawn ai myit ni hpe la kau lu yang she anhte gaw shada da jet ai. ngang kang ai hte myit mang rum ai lam hpe byin shangun ai hkungga lara ai lam ni hpe galu kaba shangun ai hte apu asi ni si wa na de byin shangun wa na re hpe tsun lai wa ai.Wa Sarabyin kawn sumtsan salang ni hpe Karai Kasang a mauhpa shaman chyeju hpe hkam la ai “ simsa lam hpe galoi mung galaw lu ai masha ni byin tai nga na hpe shi myit mada nga ai lam tsun let ga hpumdim da shangut tsun lai wa ai hpe chye lu ai.
