Daini na Karai Kasang a mungga gaw anhte yawng hpe hkawm dagrang ai lam rai nga ai. Dai gaw Madu Yesu tsun ai na a hpyen wa hpe tsawra u. Nang hpe n ju n dawng ai wa hpe mai kaja ai lam law law galaw ya u. Na a shabyi maga mi bye ya yang, kaga magam mi naw gayin ya u ngu ai gaw, mai byin na kun ( Shn ) n mai byin na kun? Karai Kasang a matu shi a tsawra ai lam gaw hpyen wa, jinghku wa n ginhka ai. Shinggyim masha yawng a ntsa e tsawra myit maren mara tawn da ai re.
Karai Kasang anhte hpe tsawra ai zawn anhte mung hpyen wa, jinghku wa yawng hpe tsawra ra ai lam sharin nga ai re. Dai majaw tsawra myit gaw myit ngwi simsa ai lam jaw ya ai. Mara raw ya chye ai lam mung myit pyaw ya ai lam hpe jaw ya lu ai re. Dai majaw hpyen wa a matu akyu hpyi ya, anhte a tsawra myit hpe garan kachyan ya let simsa lam hpe hkam la nga ga law.
