Prang Hkudung Jau Aseng Dunghkung mare kaw na, ya Dingsing Jau Aseng,
Lana Sara Ninghtawn, Lana Zup Ja IDP Cam (2) e shanu nga ai Zinwa Hkon
Tawng:
1). H̲k̲u̲n̲g̲r̲a̲n̲ l̲ek̲m̲a̲t̲ k̲a̲l̲a̲n̲g̲ l̲a̲ nn̲a̲ b̲a̲i̲ h̲k̲a̲ b̲r̲a̲ m̲a̲t̲ a̲i̲ r̲a̲i̲ y̲a̲n̲g̲, h̲p̲a̲n̲g̲ k̲a̲l̲a̲n̲g̲
h̲k̲u̲n̲g̲r̲a̲n̲ l̲ek̲m̲a̲t̲ n̲ m̲a̲i̲ l̲a̲ m̲a̲t̲ a̲i̲ g̲a̲w̲ h̲p̲a̲ m̲a̲j̲aw k̲u̲n̲?
Kahtawlik Nawku Hpung htung hku nna kalang mi tar shang (awng ai) hku
hkungrn da sai Hkristan kungdinghku gaw shada n mai hka bra ai, rau myit hkrum
kahkyin gumdin let nga ra ai. Raitim, langai ngai, sadi n dung nna hka bra wa ai
rai yang, Nawku htung hku kalang bai n mai hkunggran mat sai.
Raitim, kalang lang byin chye ai gaw: hkungran ga-shaka la ai shaloi, tara n
shang, n awng ai sha hkungran da ai ni nga chye nga ai. Dai zawn re ai dinghku ni
hka bra taw nga ai, kaga ga nga mat ai, kaga num/la hte nga mat ai lam ni nga chye
ai.
Dai zawn rai wa ai aten hta, shawng na hkungran ga-shaka tara n shang/ n
awng ai lam ni hpe mu, chye wa ai rai yang, dai hkunghkran ga-shakaw gaw “n
awng ai” (invalid/null) ngu nna ndau masat kau ya ra ai. Dai hpang e she, ya,
tinang hte rau nga nga ai num/la hte bai Hkungran Sakramentu hpe hkam la mai ai.
2). Kahtawlik shayi-sha ni, K̲B̲C̲ la-sha ni kaw num wa ai shaloi, h̲p̲a̲ m̲a̲j̲aw
h̲k̲a̲l̲u̲p̲ n̲ h̲k̲a̲m̲ r̲a̲ a̲i̲; K̲B̲C̲ shayi-sha ni Kahtawlik la-sha ni kaw num wa jang, h̲p̲a̲
m̲a̲jaw C̲h̲yo̲i̲ Pr̲a̲ Hk̲u̲m̲ h̲k̲a̲m̲ r̲a̲ a̲i̲ k̲u̲n̲?
Kahtawlik Nawku Hpung jaw ya ai Kashin Kamun chyeju Kumla gaw
“Kawa a, Kasha a, Chyoi Pra ai Wenyi a Mying Ningsang hta Kachin Kamun
(Baptisma) jaw mu” ngu nna (Mt 28:19) hta Madu Yesu htet da ai ga hte maren rai
nga ai majaw, bai kahtap n jaw ra sai.
KBC num-sha langai mi, Kahtawlik la-sha hte dinghku shang ai shaloi lam
lahkawm mai byin nga ai:
(1) Kahtawlik Hpung de n shang ai (kayau hkungran ai): dai rai yang, dai num-
sha Chyoi Pra ai Hkum hpe n hkam ai; n mai hkam ai. Hpa majaw nga
yang, dai Chyoi Pra ai Hkum gaw MADU YESU A HKUM, SHAN re ngu
ai hpe shi n kam, n hkap la ai majaw rai nga ai.
(2) Kahtawlik Makam Masham hpe hkap la nna Kahtawlik Hpung masha tai wa
ai: Chyoi Pra ai Hkum gaw Madu Yesu a hkum shan majing re ngu ai hpe
shi hkap la kam sham ai majaw hkam la ai rai nga ai.
Kahtawlik La-sha hte dinghku de ai majaw, Chyoi Pra ai Hkum hpe hkam la
ra ai gaw n rai nga ai; shi hkum-nan kam sham hkap la ai majaw rai nga ai.
Zaubung Jau Ginwang, San Luka Sara Ninghtawn, Ulang Pa mare kaw nga nna,
ya ten Muse Jau Ginwang, Nam Kham San Htawma hpyen yen dabang kaw shanu
nga ai Monica Lahtaw Hkawn Tsin:
1). Madu Yesu gaw Kahtawlik Nawku Hpung a npawt daju re ngu nna anhte
Kahtawlik Hpung masha shagu chye na kam sham ai raitim, kaga hpu nau nawku
hpung nkau mi gaw, Madu Yesu gaw hpa hpung mung n re ai, mungkan shinggyim
masha yawng a hkye la madu re ngu nna hkaw tsun ai.
Madu Yesu Hkristu hpe hkap la kamsham ai ni hpe “Hkristan ni” ngu nna
shamying hpang ai hpe Kasa laika hta hti lu ga ai. “Hkristu” ngu ai gaw – namman
chya nna lata la hkrum ai wa – ngu ai lachyum re. Yesu gaw dai “Hkristu” rai nga
ai ngu nna Kasa Petru hte shi a Kasa manang ni hkam la ma ai. Dai majaw, shi a
hpang hkan nang ai ni hpe “Hkristu ni” (sh) “Hkristan ni” ngu ai rai nga ai. Dai
wuhpung wuhpawng gaw “Nawku Hpung” rai nga ai. “Kahtawlik Nawku Hpung”
ngu ai gaw dai Kasa ni a Hkringhtawng gun hkrat wa ai “Wuhpung wuhpawng
kaba” rai nga ai. “Hkringhtawng” ngu ai shaloi: Chyum Laika, Makam masham
Labau lara, Up Hkang na ahkaw ahkang ni hpe ngu ai rai nga ai.
