Tsawra hkungga ai nu wa hpu nau ni, mungchying shawa masha ni anhte Myanmar Mung gaw tsin-yam tsin dam hkrum ai ni grai nga sai re. Mungkan madang hku nna, ga kaba hku nna bai yu ga nga yang mung Wa jau langai hku nna dinglik maram yu ai gaw Mungkan kaw majan byin nga ai ngu nna tsun lu ai.
Tsawra ai hpyen yen mungchying shawa masha ni hpe n’gun jaw mayu ai gaw n law htum laning mi na matu hkyen ga, du ai shara kaw bungli ni tam ga.
Hkyen ai shaloi hpyen yen yen ai ni mung laning mi hkyen na, buga kaw, mi na nga taw nga ai ni mung tinang a sumbu kata kaw na, tinang a jau ginwang, tinang a sara ninghtawn ni kaw na alu ni hpe, anhte hpyen yen ra tim, n yen ra timung, loi mi tsamai ai ni gaw laning mi shada da garum hkat na matu dating nna shakut na ngu ai ndai lahkawng hpe anhte myit ra ai.
Hpyen yen ai ni mung anhte hpawtni hpawtdin lu wa na ngu nna shadu yang shut na re. Laning mi hkyen ai ngu ai shaloi hpa baw byin wa na, gara de yawng wa na ngu ai hpe shingran ga.
Mung masha ni grai jam jau taw nga ai aten re majaw kaning re ai rawt malan raitim mung shawa kaw mahta nna, masha hte n’gun la nna hkawm sa ra nga ai majaw mung shawa kaw n’gun n rawng mat yang kaja ai de du wa lu ai zawn n kaja ai de mung rai wa lu ai.
Grau nna nawku hpung ni, jau ginwang shagu,Saradaw ginwang shagu, sinna na garum matum hpe n ala taw nga ai sha, anhte nanhte kaw nga ai ja gumhpraw ni hte mai byin ai daram, shata lahhkawng na matu, shata masum na matu, dangdi dang dep ai daram anhte shang lawm garum mat wa yang grai nan hkyamsa na ngu mu mada ai.
Maigan du taw nga ai anhte a hpu nau ni mung tinang a shang gumhpraw kaw na n law htum marai mi hpe sha pyi hkye la na ngu ai myit masin hte loi mi garum shingtau na matu hyen ga. Ja gumhpraw ni hpe mung kaga kaw jai kau na malai ya aten gaw yak ai ni hte rau sha rai nna garum shingtau na ngu ai myit masin hte hkawm sa ga ngu n’gun jaw mayu ai.
