Wa Sarabyin a matsun hte maren, Synod Saradaw ni a XVI (16) lang na Nawku Hpung Zuphpawng Kaba a shawng nnan lang na ladaw (First Session) hta gumhpawn tang madun da sai lawnglam ni hta na, Karai masa hte seng ai gabaw ni hpe tsun ai hku sawk dinglik ya na matu, hpaw ninghtan da sai wuhpung (10) a bungli gaw nawku hpung hku nna hkap la hkan sa na matu shakut nga ai “Synodal jouney” “Synodal style ngu ai “mahkrun” “ladat” hte nshai ai.
Synoda Ninggawn Amu Madu hpang de (22 February 2024) ya shani ka ai laika hta ndai wuhpung (10) gaw jet ai Synodal ladat hte bungli jawm galaw na matu n gun jaw shana dat da nga ai.
Lahta na Wuhpung (10) gaw shanhte shada da kata lam hta, tang du akyu pru ai hku jawm shanglawm ra ai ngu mayu ai rai nga ai. Bai nna Karai Kasang a amyu masha ni grau dam lada ai hku shanglawm lu na matu lam hpaw da ya ra ai ngu nna mung tsun da nga ai. Dai lam a majaw 2025 ning June Shata du hkra, lahta de tsun da ai wuhpung (10) hte canon tara Upadi Commission ni gaw shamu shamawt magam bungli galaw nga na ma ai. Hpung masha ni kadai raitim, hpaji jaw, masam maram, tang madun ai lam ni hpe galaw mai na rai nga ai. Hpung woi, ningbaw ningla ni, grau nna hpung masha shagu num/la wuhpung wuhpawng shagu tinang a tang madun hpaji jaw ai hku nna shalawm mai nga ai.
Bungli galaw wuhpung (10) hkan nang hkan sa na masa ladat hpe lit la ya na matu Ninggawn Amu Madu hpe matsun da sai. Dai majaw hpung shawa ni kaw nna sa wa, tang madun wa ai sumtang ni hpe atsawm hkap la shinggin la nna, seng ang ai bungli galaw wuhpung ( Group or Groups) ni hpang de shalai ya na rai nga ai.
