Ya ten Vatican kaw galaw nga ai 16 Lang Ngu na, Kahtawlik Nawku Hpung Rapdaw Zuphawng Kaba ( Synod ) hta, shang lawm nga ai, Cardinal Charles Bo hpe Vatican shiga magam dap kawn san ai hta, shayi num sha ni a lam hte seng nna, hkrum katut ra ai arawn alai ni nga ai lam, bai n`na garan ginghka let kanawn mazum ai lam ni hta, hpu nau Bugda hte, Islam ni a htung lai ni ga-up nga ai majaw, nawku hpung hta e teng sha nan, sharawng shara rai, shang lawm taw nga ai hkying kaba law htam ai shayi num sha ni hte seng ai lam ni hpe, anhte mu mada lu na re lam.
Ndai Synod zuphpawng kaba a marang e, Asia Dan ting kaw nga nga ai nawku hpung ni, du wa na ten hta e shawng de grau lahkam hkawt sa lu wa na re ngu, anhte kamhpa nga ai lam hpe Cardinal Charles Bo kaw nna tsun lai wa ai.
Ndai Synod Zuphpawng gaw, lai wa sai 2021 kaw nna hpang wa ai rai yang, ya dai ning 2024 October 2 – 27 shani du hkra galaw sa na rai nga ai lam Vatican shiga dap kaw na chye lu ai.
