Ga san ni:
1) R.C.M Hpung masha n re ni hpe Kashin Kamun mai jaw na kun?
2) Moi lai mat wa sai ten shaning ni hta shinggyim masha ni Karai Kasang sang a ga n madat, pyaw daw kadaw rai nga taw ai majaw myit malai lu wa na matu Noa hpe shaning latsa ning na hkra sanghpaw-li shachyaw shangun nna, latsa ning na mat tim myit malai n lu ai majaw, Karai Kasang shawu sha-ing hte masha ni hpe sat kau ai. Dai hpang, Noa hkan nu wa ni sha ngam mat ai nga tsun ai hpe na lu ai.
Dai majaw, ngai myit yu nna mau taw ai gaw, ngam nga ai gaw Noa hkan nu wa ni sha rai, ya, mungkan prinra ntsa hta pra taw ai ni gaw amyu hpan grai bai law re ai hpe mu mada lu ai majaw, gara kaw na bai pra hkrat wa ai ni re kun ngu nna san dat nngai
3). Miwa ni lup jau ten mi rai rai, nawku hpung ni lup kawan ten mi rai rai, anhte hpung masha nkau mi, nnga mat sai tinang a kaji kawa ni a lup kaw lusha wa dam jaw ai gaw mai kaja ai kun; nawku htung tara hte shut shai ai lam n nga ai kun?
4) Nawku hpung masha ni hpe nawku woi ai hpung sara langai mi, nawku akyu hpyi ngut ai hte nawku hpung masha ni a man e tsa chyaru malut hkayawm ni hpe lu sha ai gaw nawku htung tara, Karai Kasang a sak hkrung Mungga hte nhtan shai ai lam n nga na kun?
