Karai Kasang gaw anhte hta kabu awng sharawng nga ai.
Tsawra ai Nu wa hpu nau ni,
Zephani laika 3:17 “ Dai Madu nanhte a Karai kasang gaw nanhte hte rau anga nga ai; shi adaru magam n-gun gaw nanhte hpe awng padang jaw ya nga ai. Dai Madu gaw nanhte hpeawng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shigaw lusha poi hta shang lawm nga ai masha in kabu gara nga ma ai zawn, nanhte yawng antsa e mahkawn mangwi let kabu gara na ra ai”.
Chyum mungga gaw Kawa Karai Kasang a Kraw kata na tsawra myit kaba hpe mu shangun ai hte kabu pyaw lam a npawt hpe madun dan ya nga ai. Ndai chyum mungga daw hpe hti sumru ai ten hta Kawa Karai Kasang a tsawra myit hta kabu awng sharawng nga mu ga ngu yawng a matu akyu hpyi ya nngai.
Shawng nnan “anhte a Madu Karai Kasang gaw anhte a lapran e a nga nga ai” hpe sumru yu ga.
Tara Jahprang laika 31:6 hta “Dai Madu nanhte a Karai Kasang gaw nanhte hte rau anga ngaai; shi nanhte hpe kabai kau na nrai” nga nna mung; Shakawn Kungdawn laika 139: 7-12 hta“Anhte hpe kau da na n rai; Mungkan htum hkra Karai Kasang gaw anhte hte rau rai nga ai”
nga nna mung; 1 Korihtu laika 6:19 hta, “Nanhte a hkum hkrang gaw Chyoi Pra ai Wenyi a hting nu ni rai nga ai. Karai Kasang chyu sha anhte a hkum hpe madu nga ai” nga nna hti sumru lu ga ai. Anhte gaw Ndai mungkan ga ntsa e sak hkrung nga ai ten hta anhte hkrai hkawm sa ra nga ai nre hpe myit dum ra nga ga ai. Anhte a shani shagu na sakprat hta shianhte hte rau sakhkrung hkawm sa nga ai, anhte hpe aten ahkying shagu shi a tsawra myit the jahpring ya nga ai, anhte kabu pyaw ai hte sak hkrung nga lu na matu shi galoi mung shaman ya nga ai.
Ndai lam ni hpe anhte chye na hkam sha na matu shi ra sharawng nga ai. Dai majaw nu wa hpu nau ni, Karai Kasang gaw anhte shani shagu na sak hkrung hkrun lam hta anhte hte rau nga nga ai majaw dai ni anhte yak hkak ai lam law law a lapran hta shi hpe chyeju dum kabu pyaw nga ga.
Lahkawng ngu na hta “Atsam rawng ai nanhte a Madu Karai Kasang gaw nanhte hpe hkye la na ra ai” lam hpe myit sumru yu ga.
Tsawra ai hpu nau ni e,
Madu Yesu nni yubak hkam ai, si hkam ai hte bai hkrung rawt wa ai a marang e anhte gawmungkan ga a matsan tsin yam kaw nna lawt lu saga ai. Hpan Madu hte tsan gang mat ai tsin
yam prat kaw nna hkye la hkrum nna Karai Kasang a Kasha ni tai lu saga ai; shamai shatsaihkrum saga ai; hkye la hkrum ai ni rai saga ai. Anhte hpe tsawra nna Udang hta si hkam aiKarai Kasang hte htani htana rau nga nga na ahkang lu da saga ai. Ya anhte gaw KaraiKasang a Kasha ni rai saga ai majaw, myitru myit tsang nga na malai kabu chyeju dum nga ga.
Tsaw ai ai hpu nau ni e “Madu Karai Kasang gaw anhte hta kabu awng sharawng ngaai” nga ai hpe mung myit dum nga ga.
Madu Karai Kasang gaw anhte hpe “hkrat sum ai wa” langai mi hku nna galoi mung nmu ai.Mungkan ga hpe hpan da ai ten hta shi a hpan da ai lam hpe yu nna kabu ai, manu shadan aizawn sha shi anhte yawng hpe hpan da ai, kaba la ai tsawra myit hte tsawra nga ai. Anhte kaja ai rai tim, mara hta nga taw nga ai rai tim, shi anhte hpe a tsawra nga ai; anhte hpe hkalum la nga ai. Anhte gaw Karai Kasang shut nna hpan da hkrum ai ni nrai nga ai, laksan yaw shada ai hte hpan da hkrum ai ni re hpe dum nga nna shakut shaja nga ga.
Anhte gaw “Shi a tsawra myit hta simsa nga lu ai” hpe mung myit dum nga ga.
Madu Karai Kasang gaw, anhte a masin salum simsa ai hte ban sa lu na matu Sagu rem walangai hku nna anhte hpe ngwi ai hka kau de woi sa nna, simsa ai shara de lam woi ya na ngaai. Shi a tsawra lama ai myit hte shi anhte a prat hta na, hkri ba lit li ai lam in hpe shatsang kau ya nga ai majaw anhte kabu gara chyeju dum nga ga. Kaning re ai masa hta hkawm sa taw ai raitim Chyoi pra ai Wenyi a lam woi ai hpe hkam la nna Karai Kasang a man ai hkawm sa nga yawng anhte simsa nga na re. Karai Kasang gaw mahkawn mangwi hte anhte hta kabu awng sharawng nga ai hpe mung a dum nga ga.
Mungkan ntsa e shi a matu manu dan dik, ra sharawng dik ni tai hkra Karai Kasang gaw anhte hpe gram lajang ya sai rai nna shi anhte hta arawng la nga ai. Anhte kaja ai, byin ai, tsawm htap ai majaw shi awng sharawng nga ai nre; shi anhte hpe tsawra nna shi the anhte ni htep dik ai hku nga lu na matu rai nga ai. Dai majaw anhte Madu Yesu hpe hkap la kam sham lam hta shkut shaja ai a marang e shi hte galoi mung matut mahkai nga na gaw Karai Kasang ra sharawn dik rai nga ai hpe a dum nga ga. Shi anhte hta kabu awng sharawng nga ai hpe anhte grau chye na hkam sha wa lu na matu mung shakut nga ga.
Ragamuffin Chyum mungga hta Brennan Manning gaw, “ ngai n-gin dan ai rai tim MaduYesu a kaba la ai tsawra myit hpe hkam la lu nga ai hpe ngai sung sung dum chye nga ai” nga nna tsun da nga ai. Zahpani 3:17 hku nna mung anhte prat hta n-gin dan ai lam law law wa nga ai raitim Karai Kasang anhte hpe kaja wa nan tsawra manu shadan nga ai, shi anhte the rau ten tup nga ai hte anhte hpe galoi mung n-kau da ai lam shadum ya nga ai.
Dai majaw Nu wa hpu nau ni,
Dai ni na aten anhte hkrum nga ai yak hkak ai lam ni a lapran hta karai kasang anhte hte rauhkawm sa nga ai; anhte hpe tsawra nga ai; anhte hpe hkye hkrang la nga ai hpe myit dum nga nna matut shakut sa wa ga.
