Tsawra ai Nu Wa hpu nau ni, daini na Ja Chyum Mungga hpe hti sum ru yu ai shaloi, Madu Yesu tsun ai gaw, hpaji arawng aya madang hte myit shagrit shanem ai wa ngu, hpan lahkawng nga ai. Madu Yesu a ga hpe ahkyak n la ai, hkawhkam ni, hpaji chye ai masha law malawng gaw, Yesu a tara hpe n madat ai hta sha n ga, Yesu hkaw tsun ai sumsing mungdan lam, tara rap ra ai lam, tsawra matsan dum lama chye ai, lai kyang ni hpe n kam madat, n kam hkan sa ai majaw, tsan ai shara kaw sha nga nga ma ai.
Raitim mung, Madu Yesu a Mungga hpe ra sharawng ai, hpaji n chye ai, matsan jam jau ai masha ni gaw Madu Yesu a Mungga tara lam ni hpe madat ai majaw Yesu madun ya ai, mau hpa lamik kumla ni, shi tsun ai mungga ni hpe, na la lu ai hte mu mada lu ma ai. Karai Kasang a hpung shingkang hpe mu lu ma ai. Dai majaw ndai masha ni gaw A-lu ai ni rai nga ai. Shing rai, ndai online hku nna, wenyi n gun lu na matu, aten jaw nna madat la ai yawng mung, n chye ai lam ni hpe chye la lu ai majaw, Alu ai ni rai nga sai. Matut nna madu na la sai hpe ta tut jai lang nga pra sa ga law.
