Tsawra ai Nu Wa hpu nau ni, daini na Ja Chyum Mungga hpe hti sumru yu ai shaloi, Madu Yesu tsun shadum ai gaw, Anhte marai hkum shagu gaw, madu Karai Kasang a man hta grai manu dan ai ni rai nga ga ai. Masha n kau mi kanu kawa a tsawra ai hpe n lu hkam la ai ni, tinang hpe shyinggyim masha langai mi a ahkaw ahkang n`jaw ai hpe hkrum sha ai n inga yang ng ana n hten, raitim myit n kaji ai sha Karai Kasang kaw n htang wa ga. Shi anhte hpe tut e hkap hkalum la nga ai.
Anhte hpe shi tsawra ai marai langai hpe pyi shi ngarai wan de n hkrat shangun mayu ai, yawng hte hpe shi lu hkra hkye mawoi la ai re. Dai majaw n kaja ai lam hpe koi yen nga sa ga. Madu hkum nan n rai tim pyi, madu a makau kaw na shut shai taw nga ai manang ni hpe mai kaja ai lam hta bai gayin wa lu hkra lam madun la na lit nan nga nga ga ai re. Shing rai shani shagu na sak hkrung hkawm sa ai lam hta myit malai ai hte Karai Kasang kaw shingbyi let sak hkrung nga sa ga law.
