Tsawra ai Nu Wa hpu nau ni, daini na Ja Chyum Mungga hpe hti sumru yu ai shaloi, Madu Yesu tsun shadum ai gaw, shinggyim masha ngu ai byin wa yang gaw, asak hkrung na matu myit ru tsam pu ra nga ai. Lu su sahte ni mung shanhte a sut gan hpe gara kaw da na, bai matsan ai ni mung lani mi lani mi lu na sha na gara hku tam shakut na myit run ga ra ga ai re.
Raitim, dai hku myit ru dung taw nna gaw hpa mung byin wa na n re. Madu hkum nan sak hkrung hkawm sa ai lam hta, Karai Kasang hte rau shakut hkawm sa chye na grai ahkyak nga ai. Shaloi rai jang shi Madu garum ya na teng sha re ai hpe n mai malap ai. Hpa majaw nga yang, Madu Yesu nan hkum tsang mu nga tsun da ai mungga gaw anhte a matu n’gun tsi kaba re. Shing rai anhte galu kaba sak hkrung nga sa na matu hkam ja lam kun? Kan bau bungli lu lawm lam, simsa lam ni mahkra hpe Karai Kasang hpe kam sham kam hpa ai myit hte tsun hpaw dan ai rai yang, Madu Karai nang hpe myit ngwi simsa ai hte galaw hparan la lu ai chyeju jaw na teng sha re.
