Daini na Ja Chyum Mungga hpe hti sum ru yu ai shaloi, Madu Yesu shadum ya ai gaw, Karai Kasang a myu masha ni yawng hta tinang a myu ru sai htung hking ni nga nga ai hpe manu shadan hkungga la ra chye na ra ga ai. Shinggyim masha langai mi shangai chying hkai wa jang, shi a amyu ru sai gawn ra ga ai. Dai ma hpe mung a mying shingteng shamying ra ga ai.
Shingrai Zahkari hte Elizabet yan mung kasha Yawhan Baptista hpe amying shingteng jaw na matu Karai Kasang a yaw shada ai lam hpe anhte mu lu nga ga ai gaw, Karai Kasang n dang di lu ai lam hpa n nga ai, ngu ai hpe anhte mu mada lu ga ai. Zahkari gaw shi ga n mai shaga mat ai raitim, shi a kasha a mying hpe Yawhan rai lu ai ngu nna, ka dat ai shaloi e, n-gup hpaw wa nna, Ga shaga mai mat ai. Ndai mabyin ni gaw, Yawhan ngu ai ndai ma gaw, yu maya ma sha pi n rai nna, kaga masha ni hta grau danhkung ai ma rai nga ai.
Hkyela Madu du sa na lam hpe hkyen lajang ya ai ma tai wa ai. Shingrai, shiga madat nu wa ni yawng hte e, anhte masha shagu mung Karai Kasang a kashu kasha ni rai nga ga ai majaw, Karai Kasang a ga madat nna, dingman dinghpring ai hku nga sa na grai ahkyak la nga ai.Mai kaja ai hku sak hkrung nga sa ai lam gaw shi Madu ra sharawng awng ai lam nan rai nga ai majaw,shakut nna asak hkrung nga pra sa ga law.
