Daini na Ja Chyum Mungga hpe hti sum ru yu ai shaloi, dai ni gaw hkristan ni sha n rai mungkan mash ni yawng kabu pyaw ai n`htoi shani nan rai nga ai. Hpa majaw kabu pyaw nga ga ta? Anhte hpe hkye hkrang la na, Madu Yesu shangai paw pru ai n`htoi shani nan re majaw kabu pyaw nga ga ai.
Adam the Eva mara galaw kau ai majaw Nga rai mung ngu ai nga wa sai. Dai Ngarai mung de Adam Yan Eva a kashu kasha ni yawng shang mat ra na rai nga ai. Raitim Karai Kasang gaw shi a kashu kasha ni hpe dai yu bak ngarai mung de n`shang shangun mayu ai majaw, shi a tsawra dik ai kasha YESU hpe Mungkan ga de yu sa n`na, hkye mawoi la shangun ai. Dai majaw, dai ni gaw Mungkan masha yawng kabu pyaw mai ai n`htoi kaba shani nan rai nga mali ai re. Moi shaning hkying lahkawng ning jan hta, Maria the Joseph gaw, grai tsan ai NAZARET kaw n`na, YUDEA my mare kaba de du hkra, hkyela madu hpe shangai chyinghkai na matu, lagaw lam hkawm sa wa ai ten hta, shan lahkawng gaw, ba mung n`ba ai, kawsi hpang gara mung n`hkrum na shan du mayu ai shara de du lu mat ai.
Dai zawn re ai mabyin lam hpe yu dat yang, tinang a myit kraw kata hta, Karai Kasang hpe tsawra yang Karai Kasang hpe chyu sha myit maju jung yang gara de mi du du, Karai Kasang hpe woi hkawm sa ai re majaw, prat hta gade jan jau ai rai tim, shi a ga madat let hkawm sa chye ai ni hkam jan lu ai. Shi hte rau re majaw, myit sim sa pyaw ngawn ai chyeju ni hkam la lu na ten sha rai nga ga ai law.
