Daini na Ja Chyum Mungga hpe hti sum ru yu ai shaloi, dai ni na n`htoi hta e nawku hpung hku nna, kabu gara shiga laika ka ai sara wa San Yawhan hpe shagrau sha a shani rai nga ga ai. Shingrai, ndai San Yawhan hpe chyum laika hta e shagrau da ai lam ni nga ai. Dai gaw, tsawra ai kasa wa, Yesu tsawra ai kasa wa, Yesu a lahpyen hta shamyet ai kasa wa, bai lam mi hku nga yang, Yesu a tsawra ai hpe hkrum ai majaw, shi mung Yesu hpe tsawra ai wa rai nga ai.
Kalang lang anhte mung tinang tsawra ai ni nga ai zawn, shi hpe tsawra ai ngu n`gup ga the mung tsun ga ai. Shi hpe ra ai lam ni galaw ya ai. Raitim n kau mi gaw hkam sha ai lam ni bai madun dan ai lam ni n nga ai mung nga chye ga ai, raitim myit daw na matu n rai nga ai. Shingrai San Yawhan gaw, Yesu tsawra ai hpe hkam sha ai zawn, shi mung Yesu hpe bai tsawra nga ai. Yesu a moi mang lup kata kaw na mat mat ai shaloi e, kasa Petru hte rau n mu mu hkra, ba hkam let hkan tam ai. Anhte nang ngai mung Yesu hpe gade ram tsaw ra nga ga ai kun? Kade ram ap nawng nga ga ai kun? Aten jaw lu nga ga ai kun? Ngu ai hpe sumru yu let, dai hta grau hkra shakut sa nga ga law.
