Daini na Ja Chyum Mungga hpe hti sum ru yu ai shaloi, Yerusalem mare na Jau ni hte Levi hpung magam gun masha ni gaw, Yawhan hpe nang gaw kadai wa rai nga n ta? Myihtoi? Elia? Messia? ngu san dat ai shaloi e, Yawhan Batista tsun ai gaw, ngai gaw hkye la Madu Yesu du sa wa na matu, shawng tau nau hkyen lajang ya ai wa rai nga ai re lam hpe, shi hkum nan sakse hkam tsun dan wu ai rai nga ai.
Shaloi shi tsun ai gaw, Ngai gaw myihtoi Isaia tsun ai hte maren, Madu a lam shading mu, nga nna katsi katsang re ai nam mali zaibru ga e jahtau ai nsen ngai rai nga nngai ngu wu ai. Shing rai shiga madat nu wa hpu nau ni, anhte nang ngai mung kalang lang ( Sh ) shara ra mi kaw e nawku hpung a matu shing nrai sasana a matu lak san lit magam gun hpai taw nga ai wa n raitim, tinang nan ap nawng daw jau shakut gun hpai dat yang sha, grau masan sa htuk manu na zawn re ai, daw jau ai lam ni galaw ga sai ni nga ga sai zawn, shawng lam de hkrum wa na hkrun lam hta byin hkrum wa na lam ni mung nga wa na re. Dai zawn re ai ten ni hta, dai ni na chyum mungga hta na, kasa Yawhan hpe kasi la hkan sa shakut ap nawng daw jau sa ra ai lam anhte hpe shadum ya ai rai nga ai.
