Daini na Ja Chyum Mungga hpe hti sumru yu ai shaloi, anhte ni akyu hpyi ai ngu ai shaloi, ladat amyu myu hkrang hkum sumhpa ni hte hpyi chye nga ga ai n rai a ni? Kyu hpyi ai ladat law law nga ai hta, kalang mi na Convent langai mi kaw, bawda yu ai wa gaw, ma ni hpe n-gu katsan let, hpun ga ret let, Rosay akyu hpyi shangun ai ladat woi galaw law law re ai.
Shaloi e ma ni gaw, shawoi na daram hpun n lu ga ret ai. Bai n-gu mung nau nlu katsan ai majaw, dai ma ni hpe lit nga ai wa gaw san yu ai. Shaloi ma ni tsun ai gaw, kyu hpyi ga ni hpe tsun shut na tsang ai majaw, amu galaw ai hpe myit n gun n shadat ai majaw, ya na zawn byin ai re hpe tsun dan ai. Kalang lang anhte ni myit yu mai nga ai. Amu galaw let kyu hpyi na kun. Dai nrai yang kyu hpyi let, amu galaw na kun. Akyu hpyi ai ngu ai gaw, myit sim sa ra ai.Tinang a magam bungli hte shuk shak nga ai ten ni hta gara hku mung kyu hpyi myit lawm na n loi nga ai.
Dai majaw Madu Yesu shi hkum nan pi Karai Kasang rai nga a tim, kyu hpyi na matu simsa ai Bum ntsa de lung wa nna kyu hpyi ai rai nga ai. Nang ngai yawng mung Madu Yesu hpe kasi la let, myit masin simsa ai hte kyu hpyi la lu hkra shakut sa nga ga law.
