Daini na Ja Chyum Mungga hpe anhte hti sumru yu ai shaloi e, Karai Kasang gaw anhte shinggyim masha ni hpe, ndai Mungkan ga ntsa hta e, shaga la ai lam amyu my hku na shaga la let jai lang nga ai. Dai zawn shaga la nna, shi a sasana lam ni hta magam gun hpai shangun nga ai. Shingrai, n kau mi hpe kun dinghku de ai prat, bai n kau mi hpe rai yang, kun ding hku n de ai san seng ai hku shi sasana magam hta jai lang nga ai.
Kaning re ai prat hku na mi shaga la ai raitim, Madu a shaga la ai prat hta gun hpai ra ai lit magamhpe kangka chyoi pra san seng ai myit hte galaw gun hpai tsun shaga chye na ahkyak la nga ai. Ya daini chyum mung ga hta, Simon hte kanau Andrea yan hpe Madu Yesu shaga la ai lam gaw grai yu yak na mau hpa nan rai nga ai. Anhte nang ngai hpe dai zawn shaga wa yang, lang ta myit ung ang ai lam nnga ai sha lu hkan nang na ga ai kun? Myit yu ga.
Shan nau a kan bau bungli Nga hkwi ai magam hpe rap di nna masha ni hpe hkan hkwi ai masha shatai na shaga ai shaloi e myit marin ai dut dang ai lam n nga ai sha, madu a hpang de hkan gwi ai ndai myit jasat hpe kasi la let, madu nga ai shara kaw e, sasana magam lam ni ra wa ai ten ni hta, dai zawn gun hpai daw jaw lu ai ni rai hkra shakut sa nga ga law.
