Dai ni na Ja Chyum Mungga hpe anhte hti sum ru yu ai shaloi e, Madu Yesu a hpang hkan ai kasa ni gaw, Simon a kani hkali machyi taw nga ai hpe mu ma yang, shanhte Yesu hpe sa tsun dan mu ai. Shaloi e Yesu gaw sit sa wa nna, shi a lata hpe jum let sharawt wu ai. Shaloi hkali mung kawp mat nna mai mat ai hte shanhte hpe galaw daw mu ai. Shiga madat nu wa hpu nau ni, anhte ni kalang lang kyu hpyi tim n lu ai nga chye tsun ga ai.
Hpyi shagu nlu ai mung anhte ni myit yu sum ru yu hpa rai nga ga ai nrai a ni. Kasa ni gaw Simon a kani a matu shanhte Madu Yesu kaw sa tsun dan ya ai majaw, Madu Yesu sa wa nna shamai ya ai re. Tinang hkrai hpyi yang n lu ai rai yang e, Nu Maria kaw garum hpyi ra ai. Bai San pra ai masha ni kaw garum hpyi ra ai lam anhte hpe ndai ja chyum mungga hku nna, madi madun ya nga ai. Akyu hpyi ai ngu ai shaloi e, ap nawng daw jau ai. lu sha gam nna kyu hpyi ai lam ni gaw, Karai Kasang ra sharawng dik ai kyu hpyi ai lam nan mung rai nga ai law.
Shing rai kasa ni anhte hpe sharin ya sai hte maren, kyu hpyi shaloi e ap nawng daw jau ai lam ni Nu Maria hte, san pra ai ni kaw garum hpyi let, shi madu Karai Kasang kaw kyu hpyi sit shang sa nga ga law.
