Dai ni na Ja Chyum Mungga hpe anhte hti sum ru yu ai shaloi e, anhte a wenyi hpe san seng ai hku nga pra sa ra ai hpe madi madun ya nga ai. Hpa majaw ta nga yang, anhte a Kahtawlik makam masham lam hta, lama na tinang a wenyi hta e, shut hpyit mara kaba kap taw nga ai masha wa rai yang, mara raw chyeju kumla n hkam la ai sha, Chyoi pra hkum chyeju kum la gaw bai hkam la re ai gaw kahtawlik hpung masha langai a matu nga yang e, lai wa sai ten, shi shut kau ai mara kaba hpe htam lahkawng bai jat shalaw la ai wa nan re.
Dai mara kaba hpe sha bai kahtap galaw ai wa hte mung bung nga ai. Dai re majaw, anhte a wenyi lam a matu sadi ra ga ai. Tinang a wenyi hta, n kaja ai Gung dat hpe bai lu bang ai wa hte bung nga ai. Dai hte maren, sabyi tsahku nnan hpe shanhpyi ndum dingsa hta kadai n bang ga ma ai. Bang ai rai yang, shan hpyi n dum kapaw ga nna, sabyi tsahku mung shan hpyi n dum mung htenza mat na rai nga ai. Sabyi tsahku nnan hpe shanhpyi n dum nnan hta she bang ma ai. Dai majaw, nu wa hpu nau ni, anhte hpe Karai Kasang jaw ya sai san seng ai, wenyi ni hpe jahten shaza ai n hkrum u ga, tut e tsadan a agung alau ni hpe koi yen dang kau lu hkra sadi maja let hkawm sa nga ga law.
