Daini na Ja Chyum Mungga hpe hti sum ru yu ai shaloi e “Ya-iru a Shayi Sha Hte Sai Htaw ai Num” a lam hpe anhte na lu ga ai re. Tara sara kaba wa rai nga ai Ya-iru ngu ai wa a makam masham hpe, anhte kasi la mai nga ga ai. Shi Yesu hpe mu hkrum jang, shi a lagaw nhpang e ding yawm let akroi anoi rai, Ngai a shayi sha nsa hti maw nga ai. Shi asak hkrung lu na matu, Shi a lata mara let shamai ya na hpyi lajin wu ai. Shi gaw dai salang wa hte rau pru mat wa ai hte, masha u nawng kaba mung shi kaw hkan nang ai. Dai yang e shi lahkawng ning tup Sai htaw ana lu ai num langai mi nga nga ai. Dai num jan gaw, tsi sara law law kaw tsi lajang nna, lu malu ma jai tim mai tsai wa lu ai lam n nga ai.
Yesu dai machyi ai num sha nga ai de hkan sa mat ai. Dai machyi ai num sha mung, Yesu a palawng hpe ahtawk hkra yang, shayi sha e na kam sham ai gaw, nang hpe shamai ya nit dai ngu Yesu tsun dat ai shaloi e, dai num sha teng sha mai tsai na re ai hpe kamsham ai majaw, shi ahkawk ai hte mai mat lu ai. Shingrai shiga madat ni yawng hte e, lahta de na la sai mabyin hte maren, anhte mung tinang a Karai Kasang hpe kam sham ai myit ni hpe madu nan jep dinglik yu let, madu a kam sham myit grau ru jung nga sa let shakut hkawm sa ga law.
