Daini na Ja Chyum Mungga hpe hti sum ru yu ai shaloi e, Madu Yesu gaw anhte yawng hpe shi ning nga tsun shadum da nga ai. Dai gaw, Na Tu Ai Wa Gaw Madat La U Ga. Shiga madat la nga ai Nu Wa Hpu nau ni, Ndai ga si gaw anhte hpe Madu Yesu ja ja tsun shadum dat nga sai re. Hpa majaw nga yang e, anhte ni Na tu nga ninglen, N na la lu ai ni law nga ga ai n rai a ni? Madu Yesu ga shadawn mabyin hku na shi a Sape ni hpe tsun let, anhte hpe shadum ya ai gaw, shinggyim masha a kraw lawang kata na, n kaja ai myit maw ai lam ni, nse nsa ai amu ni, n hkru n kaja ai myit ni, masu hkalem ai myit ni, manawn ai, Karai Kasang hpe jahpoi ai, gumrawng ai.
Angawk ai lai maka ni, ndai lam ni mahkra gaw, masha hpe awu asi di kau lu nga ai. Dai n kaja ai arawn alai ni hpe na ai mu ai hte, tinang a hkum hta na yeng seng kau lu hkra sadi koi yen ra nga ga ai. Shingrai anhte shani shagu na la ai shi Madu a mungga ni hpe madat hkap la let, mai kaja ai hku sak hkrung nga pra sa na lit lu nga ga ai re.
