Makam Masham Hkaja Lamang
Sasana zaw ngu na, hpung woi magam gaw, lagawn lamawn ai myit sat lawat hpe la kau ra ai: “ Anhte galoi mung dai hku sha galaw ga ai” Ngai marai shagu hpe saw nngai, anhte a wuhpung wuhpawng ni a sasana magam ni a bandung ni, daw da hkrang ni, lai kasi hte ladat ni hpe nhkrit ntsang sawn shapraw chye ai myit pru hkra bai myit shachyaw yu ga.
Yaw shada bandung ni hpe tang wa ai shaloi, dai de gara hku du lu na ngu ai lam ni hpe, yawng rau atsawm sha shawng ntam da ai rai yang gaw, shingran sha rai mat na rai nga ai, ndai laika hta jaw da ai lam matsun ni hpe sharawng shara, nhkrit ntsang hkan ga ngu nna marai shagu hpe n-gun jaw nngai, Ahkyak ai gaw, tinang hkrai nhkawm na, shada da hp unau ni zawn, kam shamyet hkat ra ai: grau nna, Saradaw ni a myit su ai hte tatut sasana hpe yu ginhka chye ai lam a npu e hkawm sa na ahkyak la nga ai.
