Daini na Ja Chyum Mungga hpe anhte hti sumru yu ai shaloi e, Yesu a Marang e Lu Hka Htinggap mi Jaw Lu ai wa lu la na Shabrai Kuhpa a lam hte seng nna, na la lu ga ai. Marku a kabu gara shi ga hta nawku hpung a tara lam hta mung anhte kahtawlic hpung masha ni hkan sa ra ai tara lam hpe anhte hpe kalang mi bai Madu Yesu tsun shadum ya nga ai. Dai gaw Karai Kasang a magam gun ai ni hpe bau garum u. Ndai tara ni hpe hkan sa ai ni, Karai Kasang kaw na htani htana asak chyeju hkam la lu na teng sha tsun da nga ai. Dai majaw shiga madat nu wa hpu nau ni, tinang a buga ginra ni hta e, Karai Kasang a magam bungli ni a matu ap nawng daw jau nga ai, Jau Mama Brother hte tarahkaw sara/num ni hpe bau garum na matu hpung masha shagu a lit kaba rai nga ai. N kau mi chye na hkap la ai gaw, dai zawn garum ai hpe jaw kau ai hkun nna chye madat hkap la nga ma ai. Dai gaw shut nga ai jaw kau ai n re. Madu a htawm hpang prat a matu chyeju wunli mahkawng da ai lam nan she re. Dai majaw, anhte ni shni shagu sumsing sut gan mahkawng tam shakut sa nga ga law.
