Nhtoi:2-3-2025
Wa Sarabyin kawn, shada ni htep nga ai lam hpe kabu chyeju dum ai hte, simsa lam a matu akyu hpyi na hpe aja wa tsun shadum da ai
Wa Sarabyin Francis, Gemelli Tsi rung hta matut nna tsi tsi hkam la nga ai majaw shi a lai wa sai Laban mungga hpe The Holy See Press Office kawn ndau shana ya lai wa ai hpe chye lu ai. Shi a mungga hta Wa Sarabyin gaw Tsi rung kaw nga ai ten hta akyu hpyi ya ai hte ni htep ai hku yu gawn lajang ya ai majaw grai kabu chyeju dum ai lam hpe shawng tsun let Simsa lam a matu akyu hpyi na hpe aja wa tsun shadum lai wa ai hpe chye lu nga ai. Bai nna dai shani hti ang ai kaabu gara shiga hta na masha ni hpe tsawra matsan dum ai myi hte yu nna masha ni hpe tsun shaga ai hta kaja ai hku tsun shaga ra ai lam hpe myit sawn sumru na matu madung da tsun shadum da ai hpe chye lu nga ai.
Wa Sarabyin Tsi rung kaw tsi tsi hkam la nga ai majaw shi a laban mungga hpe The Holy See Press Office kawn ndau shana lai wa ai hta Wa Sarabyin kawn ya na zawn machyi makaw hkrum nna gawng kya nga ai ten shi hpe ni htep ai hku garum gawn lajang ya ai hte akyu hpyi karum ya nga ai ni yawng hpe chyeju dum ai lam tsun da ai hpe mu lu ai, matut nna shi a matu akyu hpyi karum ya na hte Simsa lam a matu mung akyu hpyi karum ya nga na matu aja wa tsun shadum lai wa ai hpe chye lu nga ai.
Ndai shara kaw na majan a matu galaw ai lam hpe yu yang mani hpa tang ndu ai zawn rai nga tim ya ten kaja wa majan a majaw zingri zingrat hkrum nna jam jau nga ai Ukraine, Palestine, Israel, Lebanon, Myanmar, Sudan and Kivu mung dan ni a matu kyu aja wa hpyi karum ya na lam tsun lai wa ai hpe chye lu nga ai.
Wa Sarabyin kawn shi hpe tsi tsi lajang ya nga ai Doctors ni hte hkamja lam hte seng nna ningtawn ai hku gawn lajang nga ai ni hpe chyeju dum ai lam tsun let ya na zawn machyi nga ai laman hta nmu mada ai chyeju ni hpe myit sawn sumru lu ai lam mung tsun lai wa ai hpe chye lu nga ai.
Ndai zawn re ai ten hta grau nna Karai Kasang hpe kam sham ra ai hpe chye la lu ai hte maren masha law law machyi hkrum ai hpe hkam sha nga ai hpe nye hkum hte tatut hkam sha lu na ahkaw ahkang hpe jaw ya ai majaw mung Karai Kasang hpe chyeju dum ai lam tsun da ai hpe chye lu nga ai.
Hpang Jahtum e Mungkan ting na kam sham ai hpung masha ni a salum kaw na pru wa ai kyu hpyi nsen a matu kaja wa myit kraw kata kaw nna chyeju dum ai hpe bai tsun lai wa ai.
Ndai zawn laklai ai ten hta grau nna Ngai hpe nanhte ni a tsawra myit hte ni htep hkuhkau nga ai lam hpe hkam sha lu nga nngai, Karai Kasang a kashu kasha ni yawng ngai hpe pawn ba ai hte Karum madi shadaw ya nga ai hpe lu la ai zawn hkam sha lu nga ai lam tsun let yawng hpe cheyju kaba sai lam tsun da ai hpe chye lu nga ai.
Wa Sarabyin kawn dai shani na kabu gara shiga hpe myit sumru yu let shi a kyu hpyi ai hta nanhte kam sham ai hpung masha ni yawng a matu re ai hpe tsun lai wa ai. Ngai nanhte yawng a matu akyu hpyi ya nga ai hte Simsa lam a matu mung akyu hpyi nga ai hpe tsun lai wa ai.
Dai hpang shi kawn dai shani hti ang ai kabu gara shiga hta lawm ai anhte a Senses hpan (5) nga ai kaw na hpan Lahkawng rai nga ai ningmu hte nam chyim (sight and taste) hpe myit sawn sumru na matu saw shaga lai wa ai.
Anhte a Ningmu hpe shawn sumru yu ga
Madu Yesu gaw anhte a myi hte Mungkan ga hpe atsawm sha yu na hte anhte a htingbu wa hpe tsawra ai myit hte tara rap ra ai hku daw dan na matu anhte hpe saw shaga da nga ai. Grau nna anhte ni shada tsun jahpyat jahpoi na malai kaja wa tsawra ai myit hte yu lakawn let kahpu kanau zawn shading sharai yang.. kaja ai lam byin tai wa shangun ai hte anhte ni kahpu kanau n rai yang ..kadai mung shada da tsun shadum ai lam n galaw na re hpe ahkyak shatai tsun da ai hpe chye lu nga ai.
Sadi sahka ai hku Shaga ra ai
Anhte ni namchyim (taste) hte seng ai hpe bai yu ga, Wa Sarabyin Francis kawn Madu Yesu anhte hpe sharin ya lai wa ai hta hpun shagu hpe gaw shi a asi marang e chye lu ai hpe bai tsun shadum lai wa ai. Wa Sarabyin kawn anhte masha kaw na le wa ai asi gaw shi a ngup kaw na le wa ai gasi ni rai nga ai …ga shadawn.. shi a n-gup hta na gasi gade myin ai gaw shi a nten hta rai nga ai hpe tsun sanglang dan lai wa ai. Wa Sarabyin kawn anhte ni maga mi hku yu ga nga yang “yet mat ai asi ni , zai ai asi. masu ai asi shut ai asi, yu kaji ai ga si ni” “kaja ai asi hte teng man ai gasi ni she anhte a tsun shaga ai hpe gaja wa akyu rawng nna nam chyim kaja hpe jaw ya ai lam re hpe tsun lai wa ai.
Wa Sarabyin kawn hpang jahtum hku nna ndai ning mu Lahkawng hte seng nna kam sham ai hpung masha ni hpe tinang a prat hta gara hku rai nga ai hpe jep joi yu na matu saw shaga lai wa ai. “Ngai masha ni hpe gara hku yu nga ai kun, kadai ni gaw nye a kahpu kanau ni rai nga ai kun? Masha ni ngai hpe yu ai hpe kara hku hkam sha nga ai kun? Ngai tsun ai ga si ni gaw gaja ai namchyim hpe jaw nga ai kun shing nrai (or) n ju n dawng ai hte kaman lila lam ni hte hpring chyat nga ai kun?
