Roma 8:37-39 hpe madat yu ga: “Anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai. Kaning rai nme law, si timung, prawn timung, lamu kasa rai timung, tawa magam rai timung; ya e nga ai arai, htawm hpang e du na arai hte, hpung atsam rai timung, lahta tang na arai lawu tsang na arai hte, hpan da mada kaga hpa rai timung, anhte a Madu Hkristu Yesu hta e Karai Kasang a tsawra ai hta na, anhte hpe n jahka kau lu na mi ai, ngu nna ngai myit hkut nga nngai law“.
Anhte a prat hta tsawra hkrum na matu grai shakut ga ai. Anhte daw dan ai lam ni, myit mang ai, mu mada ai hte galaw sa wa ai lam ni malawng hta tinang hpe marai langai ngai, kadai mi rai tim tsawra la na hpe lak lai nna shadan shadawng chye ga ai.
Anhte gaw tsawra hkrum mayu hkra hpan da hkrum saga ai. Karai Kasang gaw anhte hpe tsawra hkrum ai hta myit dik ai lam n nga hkra nan, hpan da sai; hpa majaw nga yang, Shi hkum nan dai marit ai myit hpe myit shadik ya mayu nga ai. Dai majaw, anhte tsawra hkrum ga ai kun, ngu nna mau na lam n nga saga ai. Anhe a Karai Kasang gaw, shi a tsawra ai salum hpe n makoi magap da ai. Shi a tsawra ai myit hpe galoi mung n dawm la kau ai.
Rom 5:8 hta, “Rai timung anhte shut hpyit mara kap ai ni naw rai nga ga yang, Hkristu gaw anhte a matu mara si hkam ai hta, Karai Kasang nan shi a tsawra ai hpe, anhte kaw e shadan dat mani ai.“ Nga nna ka da nga ai.
Karai Kasang anhte hpe tsawra ai lam hpe Wudang ntsa e madun nga ai. Dai hta grau nna, Karai Kasang gaw, Shi a Tsawra myit hpe ya mung, htani htana matut manoi ru bun ya nga na re, ngu ai hpe shadum ya nga ai.
Dai aten hta sha Shi a tsawra ai hpe madun dan ai n rai; ya mung anhte hpe tsawra ai gaw dingyang naw rai nga ai.
Shakawn Kungdawn Laika 26:3 hta, “Na a chyeju Nye a myiman e a nga nga nna, Na a sadi sahka hta ngai a hkawm nga nngai.“
Shakawn Kungdawn 36:5 hta mung,
” Yaweh e, na a chyeju sumsing lamu du hkra, Na a sadi sahka sumwi du hkra, dep nga ai.” Ngu nna shakawn da nga ai.
Karai Kasang a tsawra ai gaw anhte a matu tut e nga nga ai.
Dai hpe anhte tatut hkrum zup na sha ra nga ai. Tsawra ai hpe Mungkan lam ni kaw tam na malai, Karai Kasang mahtang anhte ra katu nga ai dai tsawra ai hpe jaw mayu, myit shadik ya mayu nga ai.
Dai tsawra hkrum na hpe anhte tam shachyut hkawm na malai, Shi Kawa a tsawra ai hta kam shamyet ban sa la na sha ra ga ai.
Roma 8:37-39 hta tsun da ai: “ Anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai. Kaning rai nme law, si timung, prawn timung, lamu kasa rai timung, tawa magam rai timung; ya e nga ai arai htawm hpang e du na arai hte, hpung atsam rai timung, lahta tang na arai lawu tsang na arai hte, hpan da mada kaga hpa rai timung anhte a Madu Hkristu Yesu hta e Karai Kasang a tsawra ai hta na, anhte hpe n jahka kau lu na mi ai, ngu nna ngai myit hkut nga nngai law“.
Anhte hpe Karai Kasang a tsawra ai kaw na jahka hkra hpa lam hpe mung galaw lu na n rai. Tsawra ai hpe marit wa ai hte rau, Shi Kawa hpang de kalang ta bai nhtang kayin wa nna, Shi a atsam kaba rawng nna, masa hpe n yu n lata ai Shi a tsawra myit hpe bai hkam la lu ga ai.
Karai a tsawra ai hpe hkam la na matu hkum galaw shakut. Nang hpe jaw da sai hpe kaga mi hkum tam bram hkawm.
Masha ni a tsawra lanu lahku ai gaw, hpan da Madu a tsawra myit hte shingdaw yang, hpa sha rai na?
Wai mat lu ai, aten kadun laman lai shai mat chye ai masha ni a shagrau awlaw ai lam ni gaw, yawng hpe marawp la lu ai.
Atsam kaba rawng nna, teng man ai Karai a tsaw myit hte gara hku mung n lu shingdaw nga ai.
Sumsing Lamu na, na a Kawa hta shamyet ban sa ai kaw na pru ai Simsa chyeju gaw na a prat hpe ka-up, jahpring ya u ga.
Akyi Hpyi Ga:
- Nang tsawra ai hpe ra nga ai hpe sumru yu u. Na a prat hta ra kadawn nga ai tsawra ai hpe kadai kaw na tam sata? Masha ni na a ntsa mada ai lam hpe gara shara hkan tam yu sata?
Roma 5:8 hta gaw, ” Anhte shut hpyit mara kap ai ni naw rai nga ga yang, Hkristu gaw anhte a matu mara si hkam ai hta, Karai Kasang nan shi a tsawra ai hpe, anhte kaw e shadan dat mani ai” nga nna tsun da nga ai.
- Masha a masa hpe n tau ai, Karai a tsawra ai hpe sumru yu u.
Na a matu Shi shanu nga ai lam hpe aru yu u.
Roma 8:37-39 hta ning nga tsun da ai:
” Anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai. Kaning rai nme law, si timung, prawn timung, lamu kasa rai timung, tawa magam rai timung; ya e nga ai arai htawm hpang e du na arai hte, hpung atsam rai timung, lahta tang na arai lawu tsang na arai hte, hpan da mada kaga hpa rai timung anhte a Madu Hkristu Yesu hta e Karai Kasang a tsawra ai hta na, anhte hpe n jahka kau lu na mi ai, ngu nna ngai myit hkut nga nngai law.“
- Daini, Nang, Karai Kasang a tsawra ai hte hkrum kadup lu na matu Chyoi Pra ai Wenyi a garum ai hpe hpyi u.
Shakawn Kungdawn 26: 3 hta, “Na a chyeju Nye a myiman e a nga nga nna, Na a sadi sahka hta ngai a hkawm nga nngai” nga nna tsun da nga ai.
Karai Kasang a tsawra ai a atsam rawng dik ai teng man ai lam hpe
1Yawhan a shangun Laika Langai 4:18 hta mu lu ga ai. “Tsawra ai myit hta e hkrit kang ai myit n rawng lu ai, hkrit kang ai myit ari hkrum nga ai majaw, hkum chyip re ai tsawra ai myit gaw, hkrit kang ai myit hpe shaden kau wu ai. Hkrit kang nga ai wa chyawm gaw, tsawra ai myit garai n hkum lu ai.“
Karai Kasang a tsawra ai gaw, anhte hpe n hkrit n kang ai hpe jaw ya ai. Ninggawn tawa a Madu Karai Kasang anhte hpe tsawra nga ai rai yang, kadai hpe, hpa hpe naw hkrit tsang ra ga ta? Anhte Shi hte matut mahkai kanawn nga lu na matu, Karai Kasang gaw, Shi a Kasha Shingtai hpe jaw kau ai du hkra anhte hpe tsawra nga ai rai yang, hpa lam ni hpe hkrit tsang ra ga a ta?
Daini, Karai Kasang a tsawra ai hta ban sa la nna, nang hpe lanu lahku ya ai lam gaw, nang kaw na hkrit tsang ai hpe shaden kau ya u ga. Ngang grin ai Karai Kasang a tsawra ai hpe htan ya ai a marang e, Simsa ai hte kabu gara ai hpe hkam la lu u ga.
