Daini na Ja Chyum Mungga hpe hti sum ru yu ai shaloi e, masha yawng jeyang daw dan hkrum na lam hpe na chye lu ga ai. Anhte yawng la ni mi na ninghtoi hta shi madu a tsawra myit hta jeyang daw dan ai hkrum ra na rai nga ai. Lam mi hku nga yang, hpang jahtum nhtoi hta Karai Kasang gaw, anhte kade ram tsawra myit madun lai wa sai kun ngu ai kaw madung da nna tara jeyang na rai nga ai. Anhte a makam masham hte maren sak hkrung nga pra sa nga ai kun? Tinang hte ni htep ai ni hpe tsawra myit hte Madu Yesu hpe tsawra ai zawn, ta tut hkrang shapraw lu ga ai kun?
Kaji htum ai wa hpe daw jau ai gaw, shi madu hpe dawjau ai nan re nga Madu Yesu tsun da nga ai. Karai Kasang hpe tsawra ai hte, ni htep ai ni hpe tsawra ai gaw, lahkawng maga akyu hkam sha lu nga ai. Karai Kasang hte mung grau bung wa lu nga ai. Anhte mung san seng san pra ai lam hta grau galu kaba wa ai. Dai majaw ndai lusha gam ladaw hta, madu hte ni htep ai ni hpe, n kaja ai lai kyang tsun shaga ai lam hpe koi yen let, shatan nhkan tsun ai, n kaja ai hku nga sa tsun shaga chye ai lam ni hpe, anhte ni shayawm lu hkra shakut sa ga ngu yawng hpe ninggun jaw dat lu ga ai.
