Daini na Ja Chyum Mungga hpe hti sumru yu ai shaloi e, Pawt sindawng ai lam hte seng ai hpe na la lu ga ai. Mara galaw shut yang, shaprai raw dat kau ya lu ai gaw, shagrit shanem ai, mara dat ya ai hte tsaw ra myit ni sha rai nga ai. Lama na manang wa hpe mara galaw hkrup ai rai yang, tinang gaw shagrit shanem ai hte tawngban ra ai. Tinang a shut mara a matu hpyinem tawng ban na yak la ai raitim, tinang kaw e shagrit shanem ai myit nga ai rai yang, hpyi nem tawng ban na matu loi na re. Anhte n kau mi mara galaw shut kau tim, hpyi nem tawng ban na grai yak la ga ai. Dai zawn galaw na matu mung n kam ga ai. Shada da gumrawng gumtawng lam hta sha shingjawng taw nga ga ai ni n rai nga ga ni?
Anhte a dinghku nta kata kaw pyi, kanu yan kawa, ma ni shada da, manaw manang ni a lapran hta, shagrit shanem ai lam n nga, gumrawng gumtawng ai lam sha shingjawng taw nga ai gaw, manghkang hpe shabyin taw nga ai hte maren sha re. Shing rai dai ni na ja chyum mungga hta e, Madu Yesu gaw, shagrit shanem ai hte tinang a shut hpyi mara ni hpe gwi gwi yin la ai rai yang, anhte a lapran hta mang hkang ni yawm mat na teng sha re. Dai majaw nang ngai mara galaw shut wa yang, shagrit shanem ai hte tawng ban na gwi gwi rai sa ni?
