Daini na Ja Chyum Mungga hpe hti sumru yu ai shaloi e, laika ka sara ni hte Hparishe ni a sawt ai myit hte mying dang hkung mayu ai myit hpe na lu ga ai. Masha yawng jeyang dawdan hkrum na lam na lu ga ai. Mungkan hta n bung ai ningbaw ningla hkrang hkum sumhpa nga nga ai. Ndai chyum mungga hta, ningbaw ngu ai ni gaw uhpung uhpawng a matu ahkyak dik ni re. Madu Yesu madun ya ai ningbaw gaw, dingman ai hte ap nawng ai ningbaw rai nga ai. Madu Yesu gaw hparishe ni hte chyum laika ka sara ni hpe, dinghpring kaja masu ai ni ngu tsun jahpyak da nga ai. Shanhte ni gaw masha ni e shakawn shagrau na hpe ra sharawng ma ai. Uhpung uhpawng ni hta mung ahkyak dik, masha ni sha byin tai mayu ma ai. San seng dik masha byin mayu ma ai.
Kaga masha ni hpe gaw ripkawp tara law law jahkrat da nna, shanhte gaw bai n kam hkan sa ai ni rai ma ai. Tinggyeng akyu chyu sha tam ai ni rai ma ai. Ningbaw kaja ni n rai ma ai. Ningbaw kaja ngu ai gaw, masha ni a akyu chyu sha yu ai, shagrit shanem chye ai, kaga masha ni a matu chyu sha myit chye ai. Tinggyeng myit n rawng ai sha, yawng a matu chyu sha myit dum ya chye ai. Ap nawng ai ningbaw ningla ngu ai gaw, Madu Yesu tsun madun dan ai ningbaw hpe ngu mayu ai re. Dai majaw anhte ni Madu Yesu a matsun ga hte maren hkan sa ga law. Kaba dik htum byin mayu ai wa gaw, yawng a mayam tai ra ai.
