Yangon Sasana a matu ningtau Saradaw ningnan rai nga ai Bishop Raymond Wai Lin Htun hpe Saradaw aya hkam ya ai Saradaw shatai ya a poi hpe 19 March 2025 ya jahpawt, St. Joseph poi nhtoi shani Yangon, St. Mary’s Cathedral hta angwi apyaw galaw la lu sai.
Wa Saradaw Raymond Wai Lin Htun gaw Yangon Saradaw kaba Cardinal Charles Bo a lata hta Saradaw aya hpe hkam la sai rai nna Yangon Sasana hta masum ngu ai ningtau Saradaw tai wa sai rai nga ai.
Wa Saradaw Raymond Wai Lin Htun gaw Hpa-An Sasana kaw na rai nna Myanmar Mungdan hta Tamel amyu sha ni hta na shawng ningnan Saradaw tai wa ai mung rai nga ai.
Ya aten Yangon Sasana hta Wa Saradaw kaba Cardinal Charles Bo hte rau, ningtau Saradaw ni rai nga ai. Bishop Noel Saw Naw Aye, Bishop Francis Than Htun hte Bishop Raymond Wai Lin Htun ni marai mali rai nga ma ai.
