Daini na Ja Chyum Mungga hpe hti sum ru yu ai shaloi e, Lu Su ai Wa hte Lazaru a Ga shadawn hpe na lu ga ai. Tinang a hkum hpe ga shadawn kaw na lu su ai wa re. Lazaru hpe na a nta chyinghka makau kaw sa tsap hpyi sha taw ai hpe, nang mu mada ai hku na nang shingran dat yu u. Shaloi e nang gara hku tsun shaga na kun? Ndai chyum mungga kaw na lu su wa zawn sha shi hpe ahkyak n la ai hku nga na kun? (sh) Lazaru hpe lu sha jaw sha na i? Mahtai gaw asan sha re. Nang lama ma gaw jaw na re. Hpa majaw nga yang e, anhte yawng gaw matsan mayan re ai ni hpe jaw ya ra ai lit nga nga ai re. Hpa sha mi rai tim jaw nan jaw na lit lu nga ga ai.
Anhte yawng gaw galaw grin ai. Dai zawn galaw ai gaw, lu su ai wa zawn si mat ai shaloi Ngarai wan de du mat na tsang nna kun? Nang kaja wa sha matsan jamjau ai masha ni hpe masha ni n mu mada ai shara ni kaw garum shingtau yu ga sai kun? Bai masha n kau mi rai yang tinang yak hkak ai ni hpe garum ai gaw kachyi mi dai hpe masha law law hpe chye shangun mayu ai majaw galaw ai. Masha law law mu nna, tinang hpe yu htang kaba na matu, ahkaw ahkang chye la ai masha ni kaw nang lawm taw sai kun? Kaja wa sha matsan jam jau ai ni hpe, shawang myit hte garum shingtau la na matu, daini na kabu gara shiga hta anhte galaw sa wa ai lam ni hpe sung sung myit yu na matu saw shaga nga ai.
