Hkristu shanu nga ai hte shi a atsam hpe hkam la ai gaw, ndai dinghta prat hta kaja ai asi si shangun nga ai. Hkristan marai hkum shagu gaw tang du ai sak hkrung lam hpe ra sharawng ai hkrai rai nga ai.
Yawhan 15:5 hta “Ngai gaw tsabyi ru madung rai nga nngai, nanhte gaw lakung lakying ni rai nga myit dai; ngai hta noi nga nna, ngai mung dai wa hta noi nga ai rai yang gaw, dai wa gaw asi law law si wa lu ai: kaning rai nme law, ngai hte hka jang, nanhte hpa mung n galaw lu myit dai “ nga nna Madu Yesu tsun da nga ai.
Anhte gaw, anhte a sumsing lamu na Wa Karai hta manoi nga nna, Shingbyi ai, n-gun atsam hkam la ai hpe shawng n galaw ai sha, kaja ai bungli, Karai hpe shagrau ai bungli ni hpe shadut kanawng galaw nna apu asi tam ai hpe ya sha sha galaw chye nga ga ai.
Ja makawk si hpun hta n matut ai hpun lakung gaw asi kaja n si lu ai zawn, anhte mung Karai Wa a tsawra ai, chyeju hte shi a shanu nga ai lam ni hte dingyang n matut manoi nga a yang gaw, mai kaja ai bungli ni hpe galaw lu na n rai nga ai.
Yawhan 15:1-5 hta Madu Yesu tsun da nga ai:
” Ngai gaw teng man ai tsabyi ru rai nga nngai, nye Wa gaw tsabyi sun madu rai nga ai. Ngai hta asi n si ai lakung shagu hpe gaw, shi krum kau wu ai. Asi si ai lakung shagu hpe chyawm gaw, asi grau si u ga nga, tsan kau ya wu ai. Nanhte chyawm gaw, ngai nanhte hpe tsun dan ai mungga majaw, ya e pyi asan apra rai ma nit dai. Ngai hta noi nga mu, ngai mung nanhte hta noi nga na nngai. Tsabyi lakung gaw tsabyi ru madung hta n jung n noi yang gaw, shi chyu sha asi n si lu ai zawn, nanhte mung ngai hta n jung n noi myit yang gaw, asi n si lu na myit dai. Ngai gaw tsabyi ru madung rai nga nngai, nanhte gaw lakung lakying ni rai nga myit dai; ngai hta noi nga nna, ngai mung dai wa hta noi nga ai rai yang gaw, dai wa gaw asi law law si wa lu ai: kaning rai nme law, ngai hte hka jang, nanhte hpa mung n galaw lu myit dai.“
Karai Kasang a Salum gaw anhte shani tup, shani shagu noi nga na shara rai nga ai. Kam na zawn n nga ai! Anhte gaw Wa Karai a hpring tsup ai, kaja ai, ninggun rawng ai sabyi ru hte shani shagu matut nga lu ga ai. Jahpawt shagu anhte yup rawt wa ai aten hta, Madu Yesu a atsam rawng ai hkungga hte jawm pawng let, anhte a salum ni hpe Wa Karai a matu hpaw da lu ga ai, hkap tau la lu ga ai.
Anhte yup rawt nna lagaw ndung ni ga hte hkra ai hte rau, kaja ai bungli ni hpe galaw na malai, Wa Karai a tsawra ai hpe shawng hkam la ra ga ai. Karai Kasang hpe daw jau na matu ahkaw ahkang shawng la na malai, Shi Kawa anhte a matu hkyen da ya ai magam bungli masing ni hpe shawng madun shangun ra ga ai.
Kaga masha ni hpe Yesu hpang de anhte a atsam hte woi sa na malai, shanhte hte si mani ai hku brang lang tsun shaga, rau nga ai gaw grau kaja nga ai; dai shaloi myit htum myit kaji rai nna Karai Kasang a tsawra matsan dum ai hpe ra kadawn nga ai ni hpe hkrum wa na re.
Anhte a hking-hku, ladat ni hpe kam mamyet ai n re sha, Chyoi Pra ai Wenyi hte rau jawm pawng kanawn mazum ai hpe hkam la ra ga ai; shaloi, shi a tsawra ai atsam ni gaw anhte galaw ai lam shagu hta chyam bra wa na rai nga ai.
Dai majaw, Kasa Yaku 2:26 hta tsun ai,
“Kaning rai nme law dai hkum tsawm hta wenyi n rawng a yang gaw, chyasi rai nga ai zawn dai makam masham hta mung, magam bungli n lawm yang gaw, chyasi rai nga ai.”
Na a hkum hpe mauhpa shabyi ru rai nga ai Yesu hta matut noi dat u-
Shi hte rau kanawn bungli galaw ai lam hpe daju ka-ang da u.
Karai Kasang hta manoi nga ai lam chyu sha, na a kamsham ai gaw, Chyoi Pra ai Wenyi a galai shai, rawt jat wa shangun ai atsam hte hpring nna, hkrung ai, grin ai bungli ni hpe shabyin shapraw na ra ai.
Daini jang, Wa Karai Kasang hte tutnawng galung jawm pawng nga ai hku nna, lawt lu ai hte tsawra ai hpe hkam la lu u ga.
Akyu Hpyi Ga:
- Hpun lakung gaw hpun-ru hta noi nga ra ai lam hpe sumru yu ga.
Yawhan 15:5 hpe madat yu ga:
“Ngai gaw tsabyi ru madung rai nga nngai, nanhte gaw lakung lakying ni rai nga myit dai; ngai hta noi nga nna, ngai mung dai wa hta noi nga ai rai yang gaw, dai wa gaw asi law law si wa lu ai: kaning rai nme law, ngai hte hka jang, nanhte hpa mung n galaw lu myit dai.“
- Ga san loi san yu ga – Na a Hpan Madu hte rau kanawn nga ai lam hta lai nna, gara lam ni hku nna mai kaja ai bungli ni hpe galaw shakut sata?
Na a sak hkrung lam gara daw ni hta Karai Kasang hte grau matut mahkai ra nga a ta?
- Karai Kasang a lahpyen hta ban sa la na matu aten la ga. Bungli bungsi ni hte kaga masha ni hte kanawn mazum ai aten ni law law nga na re. Ya gaw, Karai Kasang nang hte kaja wa ni htep shanu nga ai hpe myit maju jung nna, shi jaw ya, madun ya ai tsawra ai hpe hkam la na matu hkyen ga.
Shani shagu anhte galaw ai bungli ni hta, ahkyak dik, atsam rawng dik hte kaja dik ai gaw, Karai Kasang hte matut manoi nga ai lam rai nga ai.
Karai Kasang gaw, shi hpe daw jau ai ngu ai hta shi hpe tsawra ai ngu ai hpe grau tsaw nga ai;
Anhte a lata amu bungli ni hta anhte a salum ni hpe grau ra nga ai.
Shi a tsawra myit gaw lamang n nga ai sha, du sa chye nga ai.
Karai Kasang a kashu kasha ni, shanhte a kawa hte rau kanawwn mazum ai lam gaw manu daw dan n lu nga ai.
Mungkan a bungli galaw ladat ni hpe, Karai Kasang hte nan a lapran na kanawn mazum hku hkau ai lahpran de hkum shang wa shangun.
