Daini na Ja Chyum Mungga hpe hti sum ru yu ai shaloi e, Madu Karai Kasang gaw, Yesu hte Belzebul Nat du wa a lam hpe na lu na ga ai. Madu Yesu gaw Nat tsadan hta grau n’gun rawng ai wa re ngu ai hpe madun dan ai re. Nat tsadan gaw hkrit na zawn re ai hku na sha sa gunglau na n re. Hkrang amyu myu hku sa gunglau na sha re. Nat tsadan kaw masha hpe gunglau na ladat hkum hkra nga nga ai. Anhte n myit mada da ai hku na sa gunglau chye ai hpe n mai malap ai. Nat tsadan gaw anhte hpe Karai Kasang hte tsan gang hkra shi a hpang hkan lu hkra ladat law law shaw nna, gunglau na teng sha re. Anhte dai hpe n mai malap kau nga ai.
Karai Kasang a kasha ni rai nga ai anhte yawng tsadan gunglau ai hpe dang kau lu hkra shakut ra ga ai. Dai majaw Nat tsadan hpe dang kau lu ai Hkristu hte tut e nga nga yang, anhte nat tsadan hpe dang manga kau lu na teng sha re. Shiga madat nga ai ni yawng hte e, tsadan a agung alau hpe dang kau lu na matu akyu hpyi shaja ra ai. Tut nawng e shut hpyit mara ni hpe koi yen nna, nga sa ra ga ai. Tsadan gunglau ai hte n kaja ai lam ni hpe, dang manga kau lu na matu, ra nga ai wenyi n’gun atsam hpe Karai Kasang kaw hpyi la nga ga law.
