Wa Sarabyin Francis gaw tsi rung hta tsi tsi hkam la ai kaw na tsamai wa ai hte maren, bat mi hta kalang shawa masha ni a matu shi a catechesis tara ga sharin lamang hpe shapraw dat nna, Nikodemus hte Yesu hkrum katut ai lam hpe myit sumru let, hpang jahtum e, Pilat kaw na Yesu a moi mang hpe hpyi shawn na nden marai lu la ai lam tsun lai wa ai.
Wa Sarabyin Francis gaw, lai wa sai bat masum ya Shani e anhte a myit mada shara rai nga ai Yesu a prat hpe grau kaba ai catechetical cycle hta lawm ai hku nna, Kabu Gara Shiga hta madu yesu kawn masha amyu myu hte hkrum katut lai wa ai lam ni hpe myit sumru yu na matu , nnan hpaw hpang ai hta tsun lai wa ai.
Asak hpe nhtoi jahtoi ya ai hte myit mada shara hpe jaw ya ai hkrum zup lam ni nga ai” nga nna Wa Sarabyin laika ka lai wa ai hta , Yesu hte Nikodemu yan a hkrum shaga ai lam hte ga hpaw hpang nna, “nsin kata kawn pru wa nna Hkristu a hpang hkan nang na nden marai hpe tam la lu ai lam hpe shi a labau hku nna madun dan ai wa” rai nga ai lam tsun da nga ai.
Yawhan a kabu gara shiga hta Jew ni a ning baw Nicodimus ngu ai pharishe wa shi shawng shana e Madu Yesu hpe wa jahkrum lai wa ai rai tim, hpang jahtum e Madu Yesu wudang hta jen noi si hkam ai hpang Madu Yesu a hkum tsawp hpe Pilatu Hkaw hkam kaw na moi mang hpe gwi gwi sa tang shawn la ai wa re hpe mu chye lu nga ai.
Wa Sarabyin Francis kawn yawhan a kabu gara shiga hta lawm ai Nsin chyip ngu ai gaw Nicodimus a masin salum e nsin chyip rai nga ai ntsen ai myit hte hkrang bung ai lam ni rai nga ai hpe tsun san lang dan lai wa ai. “lama na na a myit hta nsin chyip rai nga yang nhtoi hpe nang tam ra nga ai, dai majaw Nicodimus mung shi a myit hta nsin chyip rai nga ai majaw nhtoi hpe jaw ya lu ai Madu Yesu hpe hkan tam” lai wa ai hpe tsun lai wa ai.
Shawng nnan e Madu Yesu tsun lai wa lam hpe nchye na lai wa ai hpa majaw nga yang Nicodimus gaw shi a myit nyan marai hte sha myit sawn sumru ai a majaw galai shai ra ai hpe chye nga tim gara kawn hpang nna galai shai ra na hpe nmu tam ai lam hpe tsun lai wa ai.
Wa Sarabyin Francis kawn anhte a prat hkrun lam shara ra hta byin hkrum chye nga ga ai, anhte a prat hpe galai shai ya nna Tsawra myit hte seng ai lam nnan hpe Nicodimus gaw Madu Yesu hte hkrum shaga ai a marang e galai shai wa ai hpe Madu Yesu hku nna “a new birth” nnan shangai wa lam re ai hpe tsun da ai lam mu lu ai.
Wa Sarabyin kawn “anhte a prat hta chyoi pra ai wenyi hpe kaja wa bungli galaw shangun ai rai yang “anhte ni nnan bai shangai wa nna, anhte a prat hta mat taw nga ai asak hpe bai tam mu na re ai hpe tsun lai wa ai.
Wa Sarabyin Francis kawn jahtum hku nna “Nicodimus kawn galai shai mai ai lam anhte hpe madun dan lai wa sai hpe tsun lai wa ai”. Anhte ni mung kalang lang galai shai na hpe hkrit tsang chye nga ai raitim chyoi pra ai wenyi gaw anhte hpe galoi mung karum ya nga ai lam tsun lai wa ai.
Wa Sarbyin Francis kawn Nicodimus mung anhte zawn sha Wudang hta si hkrum ai wa, anhte yawng a hkrit tsang nga ai lam yawng a npawt rai nga ai si ai lam hpe ning hkap kau lu ai wa hpe mu lu mai ai lam tsun lai wa ai. “Anhte a matu lam hpaw ya lai wa sai Madu hpe mada yu nga ga, anhte ni yawng hpe myit mada lam jaw ya ai Madu Yesu hte hkrum zup ga, anhte a prat hpe galai shai kau ya na matu shi hta tam let anhte ni wenyi lam yan hta kalang bai shangai wa ga”.
Wa Sarabyin Francis gaw Rome’s na Gemelli tsi rung hta sin wawp bum ana kaw na tsamai wa tim matut nna tsi tsi hkam la let bat masum ya shani shagu, shawa masha ni a matu tara mungga hpe The Holy See Press rung kawn ndau shana ya lai wa ai hpe chye lu ai.
