Daini na Ja Chyum Mungga hpe hti sum ru yu ai shaloi e, Yesu shi si hkam na lam tau tsun da ai lam na chye lu ga ai. Myen ga malai nga ai. “myit masa bung yang she manang tai ai. Sinda shada da bung yang she lam makau muk seng kaw nna, sumsing mungdan de du hkra arau sa lu ai nga tsun da ma ai”. Daini na chyum mungga hta Madu Yesu tsun da ai ga hpe masha law malawng n chye madat ma ai. Shi kade ram tsun sang lang dan tim, chye madat na yak nga ai. Dai majaw Yesu tsun ai gaw, ngai gaw ntsa de na du wa ai wa re. Nanhte gaw mungkan ga na masha ni rai nga mit dai, ngu tsun ai lam rai nga ai.
Karai Kasang a myit sawn ai gaw ntsa kaw, shinggyim masha ni gaw npu de sha mu mada taw nga ai majaw, Karai Kasang a myit masa hpe gara hku mung n dang dep lu ai rai nga ai. Shingrai Karai Kasang gaw, tsan gang taw nga ai shinggyim masha ni hte Karai Kasang bai ni htep wa na matu, mungkan ntsa de yu sa wa ai rai nga ai. Madu Yesu shi du sa ai hte kawa Karai Kasang a lam hpe tsun dan ai. Shi tara mungga lam ni hkaw tsun gat hkai ai. Bai shi a asak hpe anhte shinggyim masha ni a matu a sak ap nawng daw jau ai du hkra, shi shakut lai wa sai lam ni hpe, ja chyum mungga ni hta e mung mu mada lu nga ga ai. Dai majaw shiga madat anhte yawng mung Madu Yesu hte grau grau ni htep wa hkra, grau nna hku hkau wa hkra shani shagu shakut sa nga ga law.
