Wa Sarabyin gaw lai wa sai Laban shani na Angelus hta hkamja lam hte seng nna yu gawn lajang nga ai ni hpe hkungga ai hte madi shadaw na lam tsun lai wa ai. Bai nna March 31 ya shani hta Haita mungdan hta zingri zingrat di let sat kau hkrum ai MaMa lahkawng a lam hpe na lu ai majaw mara shagun tsun let anhte Mungkan ting lawan simsa wa lu na matu hpyi shawn lai wa ai hpe chye lu nga ai.

Wa Sarabyin a Lusha gam ladaw Laban Manga na mungga hpe The Holy See Press Office kawn ndau shana ya lai wa ai hpe chye lu ai.

Wa Sarabyin gaw dai shani hti ang ai kabu gara shiga hta Madu Yesu gaw ga e gum nna laika ka nga ai “finger of God” ngu ai lam hpe madung da nna tsun da ai hpe chye lu ai. Matut nna Wa Sarabyin kawn “hparishe ni hte laika ka sara ni kawn nlung rau kabai sat kau mayu ai Num” langai a lam hpe Madu Yesu gaw “a new story” hku ka lai wa ai hpe tsun lai wa ai.

Wa Sarabyin Francis kawn shi Tsirung kaw rawng nga ai ten hte Vatican kaw lai wa sai nhtoi 15 ya daram n gun bai ban nga ai ten hta “Finger of God”hte shi a tsawra matsan dum ai myit hpe hkam la lu lai wa ai lam hpe tsun lai wa ai.

Hkam n gaja ai ni hte hkamja lam hte seng nna ap nawng nga ai masha ni a Jubali nhtoi hta Wa Sarabyin kawn Karai kasang a tsawra matsan dum ai myit gaw machyi ai masha ni hte yu gawn lajang nga ai ni a ntsa de yu hkrat wa u ga ngu Karai kasang hpang de akyu hpyi ya nga ai lam hpe ka da lai wa ai hpe chye lu nga ai.

Wa Sarabyin kawn Doctors, Nurses and Healthcare staff ni a bungli hte seng ai masa ni hte maren kalang marang zingri hkrum ai ni hte seng nna shan hte a sasana gaw nloi la nga ai dai majaw anhte ni kawn hkungga ai hte madi shadaw ya ra ai lam hpe tsun lai wa ai.

Kahtap nna shi kawn matsan dik hte grau nna htenza mai ai ni hpe yu gawn lajang na matu Mungkan ting na Ningbaw ni hpe Tsi Tsi ai hte Tsi hpaji lam hpe (Treatment and Medical research) sawk sagawn ai amu ni hta arang bang na matu tsun shaga lai wa ai.

Nawng na hte maren Wa Sarabyin kawn Mungkan ting majan simsa wa na matu hte grau nna Ukraine hta Majan tsin yam a majaw jam jau hkrum nga ai mung masha ni hta ma ni law malawm rai nga ai hpe chye lu nga ai, dai majaw kam sham ai hpung masha ni hpe simsa lam a matu kyu hpyi karum na hpe saw shaga lai wa ai.

The Holy See’s a Amu madu hte Mungkan ting hte seng ai zing lum ai kaw lit ang ai Archbishop Paul Richard Gallagher hte Russian Federation’s Foreign Minister rai nga ai Sergi Lavrov rau phone hte hkrum shaga ngut ai hpang lahkawng ya na ai hpang ndai lam hpe tang shawn jahkrup lai wa ai hpe chye lu nga ai.

Dai hpang Wa Sarabyin kawn shingnyip n lu, malu masha nnga ,lu na hka n nga rai sak hkrung na pi nloi ai Gaza kaw na masha ni a masa hpe bai myit yu nna bawng ban jahkrup na matu, rim da ai masha ni hpe bai dat na hte sanat lat nak ni hpe naw shazim da na matu tsun shadum lai wa ai. 

Matut nna Wa Sarabyin kawn Middle East, Sudan and South Sodan, in Democratic Republic of Congo hte Earthquake kaba hkrum sha lai wa ai Myanmar mungdan ni hta alawan simsa wa na matu akyu hpyi na hpe tsun lai wa ai. Bai nna Haiti kaw sat kau hkrum ai Mama Lahkawng hpe “shakawn shagrau” let Mungdan kata “Violence” law jat wa ai hpe aja wa tsun shadum lai wa ai.

Wa Sarabyin kawn bawngring rawt jat galu kaba lam hte simsa lam a matu Mungkan ting ginsup nhtoi hta “Sport” ngu ai gaw Simsa lam hte anhte a shinggyim masha shada da kanawn mazum lam hta Masha law law ni ra kadawn nga ai myit mada lam a kumla langai re ai hpe tsun lai wa ai. Hpang jahtum e Wa Sarabyin gaw shi hpang de Rebibbia Women’s Prison kaw nna shagun ai Card a matu yawng hpe chyeju dum ai lam tsun lai wa ai.