Daini na Ja Chyum Mungga hpe hti sum ru yu ai shaloi e, Yuda masha ni a htingnu poi laman e, Yesu gaw shi Karai Kasang a kasha rai nga ai hpe sakse madun ai lam na la lu ga ai. Anhte na ga ai English ga malai ning nga ai gaw, “Walk your Talk” nga ai hte maren, tinang hkaw tsun ai ga hte maren tinang mung hkan galaw sa u. Madu Yesu tsun ai gaw, Ngai tsun ai ga hpe nanhte n kam ai raitim, Ngai galaw sa ai mai kaja ai lam ni hpe mada yu nna, ngai hpe kam mu nga nna tsun da nga ai. Shinggyim masha ni gaw, tinang tsun ai ga hta grau nna, tinang a ta tut galaw sa ai lam ni hpe grau myit shang sha nga ai.
Shingrai ndai wa gaw shi a ga hte ta tut gaw, bung nga ai kun? Ngu ai hpe grai myit shang sha ai hkrai re. Tsun ai gaw myu mi, galaw ai gaw hpan mi rai na kun nga n na, yu mada chye nga ma ai. Ga si hpe n kam ai raitim, galaw ai sat lawat hpe yu mada nna, tsun maram chye nga ma ai. Jaw ai shut ai hpe gaw chye na ra nga ai. Dai wa galaw sa ai sat lawat ni hpe yu nna she kam ai, bai nna mung madi shadaw ai rai nga ai. Hpa majaw nga yang e galaw sa wa ai sat lawat gaw, tsun dan ai gasi ni hta pi grau nna, kaja dik re ai sak se sak gan nan re. Shing rai anhte yawng mung, n-gup aga hte sha n rai, ta tut galaw ai lai ladat hte nan kaja ai Hkristan masha ni byin hkra, sakse madun nga lu ai ni rai yang, shinggyim masha law law wa Karai Kasang a mai kaja ai lam ni hpe hkap la kam sham wa na teng sha re majaw ta tut hta shakut nga ga law.
