Daini na Ja Chyum Mungga hpe hti sum ru yu ai shaloi e, Behtani kahtawng kaw Yesu hpe manam pyaw ai sau hte ru chya ya ai lam hpe na lu ga ai. Maria gaw Madu Yesu du sa wa jang grai manam pyaw ai manu dan la ai sau hte chya ya nna, Yesu hpe hkap tau hkalum la nu ai. Ndai zawn Madu Yesu hpe shi hkap hkalum la ai lam gaw, shi a shgrit shanem ai lam hte, shi a kanau Lazaru hpe bai jahkrung sharawt ya ai majaw, chyeju dum ai lam galaw ai rai nga ai. Dai shaloi e n chye tsun dan ai hkam sha lam ni mung law law lawm na re. Dai hpe e mu mada ai Yuda gaw, ja gumhpraw hpe hpagawn shama kau ai hku mu mada nga ai.
Teng sha tsun ga ngu yang, Yuda gaw n ding man ai lagut langai mi rai nga ai. Ndai ga hpe sape ni a matu Yesu tsun ai gaw, hkristan a tara gaw, matsan mayan re ai ni a matu sha n re. Matsan mayan masha ni ngu tsun ai gaw, mungkan a mabyin lam ni hte seng ai lam ni hpe tsun ai rai nga ai. Ndai mungkan shang wang hta, Karai Kasang hte matut manoi nna, sak hkrung ra ai hpe shadum ya nga ai. Karai Kasang hpe malap kau nna, shinggyim u hpung uhpawng lam ni hta sha, madung da nga sa wa ai lam ni hpe, koi yen na matu sa di jaw ya nga ai law.
