Anhte shinggyim masha ni gaw Karai Kasang a ga hpe lale let ninghkap ai lam galaw taw nga ai gaw moi Adam yan Ewa a prat kaw nna daini na aten du hkra rai nga ai. Karai Kasang shangun dat ai myihtoi ni hpe ninghkap ai, mara tam sat nat ai lam ni anhte galaw lai wa saga ai. Anhte mungkan masha ni a shut hpyit mara hpe Karai Kasang matsing da nna, dai mara hte maren, gindan ai hku je yang dawdan ai rai yang kadai wa hkam jan lu na rai nga a ta?
Anhte shinggyim masha ni gaw anhte a nta majing rai nga ai ndai mungkan ga hpe pyi n gawn n sawn jahten sharun nga ga ai. Dai re majaw daini na aten hta shingra tara a tsinyam tsindam lam ni hpe law law hkrum sha nga ga ai hte asak si sum ai lam ni, jam jau jam hkau hkrum ai lam ni hkrap ngu hkrap ngoi nga ai lam ni, myit yawn hpa law law anhte hta byin nga ga ai re. Myit malai kaba lu na matu grai a hkyak nga ga ai. Gingdan ai hku nna daw dan ga nga yang anhte kadai mung hkye hkrang la ai lam hkrum lu na n mai byin nga ga ai.
