Daini gaw Chyoi Pra Ai Mali Ya shani rai nga ai. Daini na nhtoi hta Yesu Hkristu gaw Kasa ni hte hpang jahtum ngu na dawsha poi hpe galaw sha ai rai nga ai. Ndai Chyoi Pra Ai Mali Ya shana hta Madu Yesu Hkristu gaw jau shatai sakramentu hte chyoi pra ai hkum sakramentu hpe mung shabyin da ya sai re.
Daini na nhtoi gaw chyoi pra ai hkum hpe Missa Hkungga hta Yesu Hkristu a malai shabyin ya nga ai mungkan ting na jau ni a matu akyu hpyi ya na shani mung rai nga ai. Bai nna lam amyu myu a majaw chyoi pra ai hkum hpe n hkam la lu nga ai Nu Wa Hpu Nau ni a matu mung akyu hpyi ya nga ga.
