Anhte a atsam marai hte Karai Kasang hpe mu tam lu na gaw grai yak la nga ga ai. Karai Kasang hpe hkap la kam sham lu na matu mung, shi a shaman chyeju nan ra nga ga ai.
Anhte gaw Yesu Hkristu hkum nan shi a asai hte hkrut jahpraw ya nna hkye hkrang la hkrum ai ni rai nga sai re. Anhte gaw Karai Kasang a mungga hta sak hkrung hkawm sa na ra ahkyak nga ga ai. Yesu Hkristu a hkye hkrang la ai lam a sakse ni tai nga lu na matu Madu Yesu Hkristu gaw anhte hpe saw shaga nga ai.