25 April, 2025 ( Bat 5 Ya ) Jahpawt 10:00 Am aten, Nawng Hkying Jau Ginwang, Sumsing Lamu a Hkawhkam Jan ( Queen Of Heaven Church )  Nawku Jawng hta, Law Waw ( Lhaovo ) Amyu sha ga hte Missa Hkungga Nawng Jau lu ai ( 5 ) Ning Hpring chyeju shakawn Missa Hkungga hpe awng dang ai hku galaw la lu saga ai.

Ndai Missa Hkungga hta, Ginwang Up Wajau Patrick Gawmaw Hkawng Rae hte rau sha, Wajau James Zung Ding, Wajau, Paul Wanghte Lum Dau, Wajau Noel Naw Lat ni shang lawm let, hpung masha ni hte rau galaw la lu sai mung rai nga ai,

Shawng Ningnan Lang ngu na Law Waw ga hku Missa Hkungga hpe gaw, 2019 Oct, 30 Ya Shani hta, Chyi Hpwi Jau Ginwang, Na Maw Zup Mare, St.Thomas Nawku Jawng hta Wajau James Zuk Daw Zung Ding hte, Wajau Joseph Ndup Brang Awng ni shang lawm let, galaw lai wa ai lam hpe mung chye lu ga ai.

 Ndai Lhaovo Laika hpe gaw, 1974 ning hta, Sara Luka La Hhaung Hhao” Leim” kawn, gin shalat hpang wa ai lam hpe mung chye lu ga ai, bai 1980 ning hta Nawku Hpung ( 5 ) kaw na hpung woi kanu kawa ni shang lawm let, Law Waw amyu sha ga hku Nawku Daw Jau lu na matu, Ja Chyum Ga gale ai lam ni hta shakut lai wa sai lam hpe mung chye lu ai.

23 may, 2009 ya shani Madu Yesu Lamu De Lung Wa Ai Poi Laban ya shani hta, Wa Saradaw Francis Daw Tang a lata hta, lek mat htuu  masat shagrin ya lai wa sai mung rai nga ai, bai 30 Oct, 2019  ning hta mung, Nawku Daw Jau Laika Buk kaji hte Law Waw Amyu sha ga hku Rosary hti akyu hpyi laika buk ni hpe mung galaw hpang shakut lai wa sai mung rai nga ai, ndai galaw shakut ai lam hta, Jinghpaw Laika hku galaw shapraw da ai Nawku Mahkawn Buk hte bung hkra galaw shakut nga ai lam hpe mung chye lu ga ai. Dai hpang 18 Dec,2024 ning hta mung bai Nawku Hpung a Ginjaw rai nga ai Vatican Rung de mung laika bang masat shagrin lai wa sai lam hpe mung chye lu ga ai.

#nawngchyingparish

#localnews

#rvakachinservice