GINHTAWNG SHARIN DABANG GALAW LA LU SAI SHIGA

Myitkyina Jau Gin Wang, Du Kahtawng Sara A Seng, Nawku Hpung na Tara hkaw Sara ni, Mungbawng hpung ni, Hpaji ningli komiti ni hte, Holy Childhood Komiti ni woi awn let, Sara A Seng kata na Sasana Ma Hpung ni a, Ginhtawng Sharin Dabang hpe 2025 ning May shata (7,8,9,10) ya shani du hkra Karai Kasang a Chyeju hte awngdang ai hku galaw la lu sai.

Sharin hpawng a yaw shada ai lam ni gaw-

I. Nawku Makam Masham Lam hta ngang kang let tsawra myit hte daw jau chye na matu.

II. Shing-ra tara makau grup yin hpe makawp maga zing hkang chye ai kashu kasha ni byin tai wa na hte hpan da ai lamu ga hpe tsawra chye na matu.

III. Ap nawng daw jau chye ai Ningbaw Ningla kaja byin tai wa lu na matu.

IV. Hkum hkrang hkam kaja lam hpe chye na hkawn hkrang ai hte sak hkrung chye na matu rai nga ai.

Sharin Hpawng hta-

1. Wa Jau Labang La Htoi (SDB) ( Makam masham hte seng ai )

2.Sara Zinghtung Christi ( Shing ra tara makawp maga ai lam hte Laudato Si hte seng ai )

3.Sara Num Su Mai (Ningbaw ningla kaja hte Dat tsi malu masha hte seng ai )

4.Sara Num Dashi Seng San kawn( Zumba ka manawt ai ) ni hpe sharin ya lai wa ai.

Bai, sharin hpawng hta Ma Ni yawng (135) tup, sharin hkam la lu sai mung rai nga ai hte, ap nawng Ramma Sara, Saranum ni yawng marai (10),garum ya lai wa sai mung rai nga ai. ndai zawn, sharin dabang byin tai wa lu hkra, alu gumhpraw bang jaw ya sai ni hte n-gun a-ga hku,n-gun atsam hku na, shang lawm ap nawng ya sai myitsu kanu kawa kaji kaba yawng hpe grai chyeju dum dat nga ai lam tsun shana lai wa sai rai nga ai.

#localnews

#rvakachinservice