Daini na Ja Chyum Mungga hpe hti sum ru yu ai shaloi e, Madu Yesu gaw Korintu ni kaw shagun dat ai laika daw langai hta e, shi ning nga tsun da ai gaw, nanhte a hkum hkrang ni gaw, Madu Yesu a hkum hkrang nan re nga ai. Bai nanhte gaw chyoi pra ai wenyi rawng nga ai nawku htingnu ni rai nga ai nga nna mung tsun n`gun jaw da sai. Shing rai dai ni na chyum laika daw langai gaw, San Pawlu a lai kyang galai shai mat ai lam nan rai nga ai. Ndai zawn San Pawlu a mabyin lam mahkra hta na, anhte hpe myit yu shangun ai kasi la mai ai lam gaw, San Pawlu n rai shi yang, Shawlu gumra ntsa kaw na di hkrat ai shaloi, shi ga san san ai shaloi,
Karai Kasang bai htan ai gaw, Ngai gaw nang hkan zingri zingrat galaw ai wa YESU rai nngai ngu bai htan ya sai. Shawlu hkan sat zingri ai gaw Yesu hpe kam sham ai Hkristan ni she re. Yesu hpe n rai nga ai. Raitim ndai chyum laika ga si a majaw, Karai Kasang gaw anhte shi hpe kam sham ai ni hpe hpa sharin ya mayu nga a ta nga yang e, “We are anohter Christ” Karai Kasang hpekam sham saianhte ni gaw, Madu Yesu a hkum adaw achyen ni rai nga ai. Dai majaw, nu wa hpu nau ni, tinang hkristan rai nga ai hpe tsawra manu shadan ga. Madu Yesu hte bung ai sak prat hkrun lam hta hkawm sa nga ga law.