Ndaw dan ai sha Madat Mara Ga Nga Nna, Wa Sarabyin Leo ( XIV ) Tsun Dat Nga Ai Shiga.
Wa Sarabyin Leo XIV gaw San Petru a lup sung hku nga ai kaw Missa hkungga nawng jau ai hte niche of Pallia nawku htingnu kaw mung akyu hpyi lai wa ai hpe chye lu nga ai.
Wa Sarabyin Leo XIV gaw, laban jahpawt e Vatican Grottoes de sa du kawan nna, San Petru a lup makau na tawn hkungri hta, Chyoi Pra ai Missa hkungga nawng jau ai lam galaw lai wa ai. Holy See Press Office kaw nna ndau shana laika hta tsun da ai hte maren, Missa hkungga hpe San pra ai Augustin hpung na Prior General rai nga ai Fr. Alejandro Moral Anton hte rau galaw lai wa ai.
Missa hkungga ngut ai hpang Wa Sarabyin Leo XIV gaw, shi a shawng na Wa Sarabyin ni a lup ni hta, atsin sha rai akyu hpyi ai aten hpe galaw lai wa ai. Mungkan ting na Wa Saradaw ni hte shara magup na Jau ni a lapran kahkyin gumdin lam hpe kumla shatai ya ai niche of Pallia kaw mung jahkring mi hkring let aten jaw lai wa ai hpe chye lu nga ai. Anhte a asak aprat hpe Madu a lata hta ap da nga ga Wa Sarabyin Leo XIV gaw, ndai “grau ahkyak ai” Laban shani a matu tsun ai mungga hta, “Sagu rem wa kaja” a Kabu Gara Shiga hpe shawng nnan e English ga hku tsun ai, Dai hpang Italian ga hku hkaw tsun lai wa ai.
Shi a Petrine sasana magam bungli nnan hpe hpang ai shaloi, Wa Sarabyin gaw, Yesu Hkristu a kasi hpe tsun nna, “anhte kam hpa nga ai wa” shi Madu hpe myit maju jung shangun lai wa ai. Kanu Nhtoi hta laksan shakawn shagrau ga tsun ai hta, “Karai Kasang a tsawra myit hpe madun dan ai mau hpa lam langai gaw kanu ni, grau nna shanhte a kashu kasha ni hpe lwi hkrat jaw ai tsawra myit re” nga nna tsun lai wa ai. Kan bau magam bungli a matu rau tam ai lam Daini na “Magam Bungli a matu Akyu Hpyi Ai Nhtoi” ngu ai madung lam rai nga ai magam bungli galaw na matu shaga la ai lam hpe tsun let, Wa Sarabyin Leo gaw shi ra lata poi garai n shang shi ai shawng hte ngut ai hpang e Cardinal ni hte zup hpawng galaw ai shaloi ndai ga baw hpe ahkyak shatai tsun shalawm lai wa ai. “Anhte yawng gaw bungli rau jawm tam ra ai. Shawng nnan, anhte a prat hta masha ni a ntsa e yu kaji ai lam n nga ai sha kasi kaja [kasi] jaw ai hku nna, kabu gara ai hte, Kabu Gara Shiga a kabu hpa lam hte sak hkrung hkawm sa ai hku nna, kaga masha ni hpe myit daw myit hten n shangun ai sha, ramma ni hpe Madu a nsen hpe na lu na matu hte dai nsen hpe hkan nang nna kam sham ai nawku hpung hta daw jau na matu ladat ni hpe tam ra ai nga nna tsun lai wa ai. Madat Mara ai lam a atsam (the power of listening) Wa Sarabyin Leo kawn, Kabu Gara Shiga hpe mungkan ting chyam bra wa na matu tsun shadut let, kam sham ai hpung masha ni hpe “Myit hkum daw myit! Hkum hkrit myit!” Ngu nna n gun jaw tsun lai wa ai. Ya na zawn Sa sana (mission) galaw ai hta kalang lang anhte a asak hpe pi ap nawng kau ra ai aten ni nga ai hpe chye da ra ai, anhte ni gaw Karai Kasang a mungga hpe madat mara ai hte anhte langai hte langai mung shada da madat mara hkat ra ai hpe madung da nna tsun shadum lai wa ai.
“Madat mara ai lam gaw teng sha anhte ni hpe jahkrup bawngban lu na chyinghka hpe hpaw ya ai” nga nna tsun ai. Dai gaw hkuhkau mahkrai ni hpe gawgap lu na matu npawt nhpang rai nga ai, Shi a Sarabyin aya hpe hkam la hpang ai shani kaw nna ahkyak shatai tsun shadut ai lam langai mi mung rai nga ai.
“Anhte gaw madat mara na matu sharin la ra ai – mara n shagun ai, anhte hta tengman ai lam ni yawng nga ai, kaga ni hta garan gachyan na hpa mung n nga ai ngu sawn la let chyinghka pat ai lam nmai galaw ai nga nna Wa Sarabyin tsun lai wa ai. Ndai zawn re ai shagrit shanem ai myit masa hte sha, Madu anhte hpe gara shara de shaga la nga ai hpe grau nna asan sha chye lu na re, nga nna matut tsun shadum lai wa ai.
