Wa Saradaw Kaba Cardinal ni a jawng kaw nna Wan Kut Ahpraw hte A chyang pru ai  gaw hpa lachyum re kun?

Cardinal Kaba ni Sarabyin Nnan hpe chyawm lata ai shaloi lama wa Me gambung masum kaw na lahkawng npru ai nga ai shaloi shanhte Sarabyin Nnan a mying ka ai Me mai sau pa hpe shanhte nat ai shaloi wan hkut chyang wa shangun ai sau bang ai. Dai wan hkut chyang nna pru wa jang gaw Sarabyin nnan nlu ai ngu ai lachyum re.Gambung masum kaw nna lahkawng lu sai nga jang gaw Me Maisau pa hpe wan hkut hpraw shangun ai sau hpe bang nna nat ai dai shaloi gaw Wan hkut mung hpraw ai pru sai. Wan hkut hpaw jang gaw Sarabyin Nnan lu sai ngu ai lachyum re.

1. Nmawk Jau ginwang, Goi kahtawng zaibru yang kaw nga nna, ya, sumtsan kaw du taw nga ai Fransica Jangma Bawk Ja san ai ga san hta:

1. Kashin kamun hpe shawng nnan hkam la ai gaw kadai re kun?

Baptisma ngu ai Latin ga hpe “hka lup hkam ai” “kashin kamun hkam ai” ngu nna anhte a ga hte htuk manu ai hku gale lang ga ai.  Baptisma hkam ai hpe Yawhan Baptista jaw ai – myit myit malai hte seng ai – Ga Shaka Dingsa ladat hte,

Madu Yesu jaw ai – Ga Shaka Ningnan ladat ngu nna lahkawng nga nga ai.  Madu Yesu jaw ai Kashin Kamun gaw, myit malai lu ai hte Chyoi Pra ai Wenyi a chyeju atsam ni hpe hkam la ai lam lahkawng kahpyawn nga ai.

Kashin Kamun hpe shawng nnan hkam ai kadai re ngu ai hpe chye na matu yak na re.  Tinang a mare, kahtawng, wuhpung ni hta chyawm gaw labau ni hpe sagawn la yang chye lu na re.    

• Kashin kamun hkam la ai a marang e hkam la lu ai chyeju ni gaw hpa baw re kun?

Baptisma (Kashin Kamun Chyeju kumla) hpe hkam la ai shaloi hkam la lu ai akyu ni (madung hku nna) masum rai nga ai:

• Ningpawt shut hpyit mara hte tinang galaw ai mara ni hpe raw dat kau ya hkrum ai.
• Karai Kasang a kasha tai wa ai.
• Hkristu a Hkumhkrang ngu ai Nawku Hpung a malawm tai wa ai.

• San Yawhan a kawa a mying kaning nga ai re kun?  

Yawhan Baptista a kawa rai yang gaw, Zahkari rai nga ai;

Kasa Yawhan a kawa rai yang gaw, Alhpe rai nga ai.