Daini na Ja Chyum Mungga hpe hti sum ru yu ai shaloi e, Kasa Paulu hte Sillat yan kabu gara shiga hkaw tsun ai majaw, rim la hkrum nna, bu hpun palawng ni raw kau ya nna, adup kayet di nhtawm n lu hprawng hkra, htawng hta bang da ma ai. Shana yup tung hpa e, Paulu the Sillat yan gaw, Karai Kasang hpe mahkawn mangwi hte shakawn nna, kyu hpyi nga yang Karai Kasang a hpung dagu ga-up ya nna, htawng chyinghka ni hpaw malang wa ai hte dai kaw na lawt lu ma ai. Shan lahkawng gaw hpa mara mung n galaw ma ai. Kabu gara shiga hkawn tsun ai. Karai Kasang hpe sakse hkam ai. Dai sakse hkam ai majaw adup kayet hkrum ai. Htawng kata hta sharen da hkrum ai rai nga ai.
Shingrai shan hkrum lai wa ai lam ni hpe yu yu ga nga yang e, Karai Kasang hpe ga san san hpa gaw rai nga ai. Raitim dai kasa yan gaw, dai zawn re yak hkak jam jau lam ni a lapran e, Karai Kasang hpe nawku daw jau shakawn shagrau nga lu ai. Karai Kasang hpe kam sham ai. Matut daw jau nga lu ai ni a matu, Karai Kasang kaw mahtai nga ai. Nu wa hpu nau ni e, Karai Kasang hpe shakawn daw jau ai lam gaw, lam yan mahkra hpe galai shai kau ya lu ai re. Dai hpe yu ga nga yang, kasa yan htawng kaw na shalawt la hkrum sai. Kasa Paulu yan htawng kaw na n hprawng mat wa sin da shangun ai wa pi gaw, dai kasa yan a man hta lahput hpudi ra mat ai. Shi mung kam sham ai masha tai mat lu nga ai. Dai majaw, anhte a ru yak lam ni kaw na madu hpe shakwn nga ga. Anhte a matu n`gun a tsam n`nan mau hpa chyju ni ala nga na gaw teng sha re.
