Daini na Ja Chyum Mungga hpe hti sumru yu ai shaloi e, chyoi pra ai wenyi yu hkrat wa na lam hpe na lu na ga ai. Wa sarabyin shadum ai hta, chyum laika hpe n chye ai gaw Karai Kasang hpe n chye ai nan re nga tsun da sai. Kasa Paulu gaw nanhte n chye ai Karai Kasang a lam ngu nna, Madu Yesu ai lam, hkrung rawt wa ai lam ni hpe hkaw tsun ai shaloi, masha law malawng gaw n kam sham ma ai. Raitim kam ai ni n kau mi mung nga wa ai. Shiga madat ni e mungga tara ngu ai gaw, nli tum nan re. Nli tum gaw tum langai sha rai nga ai. Raitim hpun kaba tu wa lu ai. Asi alap ni hte hkumzup wa ai. Dai zawn sha chyum laika hta e mung, chyum laika ga si, ga yan ni law law nga nga ai.
Raitim mung nang hpe hkra machyi hkra galai shai shadum ya na gaw, na a salum kata hta hkam sha wa lu ai chyum laika ga yan kadun mi sha rai na re. Na a salum kata hta, mungga nli tum du wa na lam madun ya na matu gaw, chyoi pra ai wenyi Karai Kasang rai nga ai. Daini na kabu gara shiga hta, chyoi pra ai wenyi Karai Kasang gaw, Madu Yesu a lam hpe shinggyim masha ni kaw matut tsun dan na lam tsun hpaw da nga ai. Shingrai ma ten hta grai mazut la ai, Augustine ngu ai la kasha wa gaw chyum laika ga yan mi hti sumru lu ai hpang e, San pra ai Augustine ngu ai prat hpe galai shai lu na hpang wa ai zawn, na a ya ta tut prat kaw nna, grau hkyik hkam kaja ai prat hpe lu madu la hkra, chyoi pra ai wenyi tsun dan ya na hpe kyu hpyi let matut sak hkrung nga sa ga law.
