Daini na Ja Chyum Mungga hpe hti sumru yu ai shaloi e, daini na kasa Yawhan ka da ai madu a kabu gara shi ga hta Madu Yesu gaw Karai Kasang kaw na yu sa wa ai wa re ai lam hte, lam shagu hpe shi chye nga ai hpe mung, kasa ni chye na matu hpaw tsun dan ai hpang, shi a kasa ni kam sham ai hte, shanhte shada da kaga ga hkabra mat na lam hte, Madu Yesu hpe hkrai sha tawn kau da ai raitim, Karai Kasang gaw Madu Yesu hte a rau sha nga nga ai lam re ai hpe, tau nau tsun da sai rai nga ai hpe chyum laika hta, na chye lu ga ai. Shingrai kasa ni hpe mung ndai mungkan ga ntsa hta, Madu Yesu a mying ning sang hte, sakse hkam ai shaloi e mung, ruyak jam jau lam hkum sumhpa byin hkrum sha ra na lam hpe e hkrum katut wa ai ten ni hta mung, myit daw hten ai lam n nga na hte, shada da n`gun jaw ga tsun hkat let, jet ai simsa lam hpe jaw ya na Madu Yesu a hkik hkam la ai myit masa ni hpe, anhte marai hkum shagu mung, kasi la let, Ju sumwum kata na grai tsawm htap la ai pu tsawm nam pan hpe zawn, anhte yawng hte mung masha law law e manu shadan lu ai, myit kam hpa lu ai, yawng hpe akyu jaw ya lu ai kasa ni zawn, madu a hpang hkan nang ai kasa ni byin tai nga hkra, tut e shakut sa nga ga ngu n`gun jaw dat lu ga ai.
