Daini nawku hpung a kanu re ai zawn, anhte yawng a kanu rai nga ai Nu Maria a poi hpe galaw nga ga ai. Madu Yesu Udang ntsa kaw nna, ga hkum (7) hpe tsun lai wa sai. Daini kasa Yawhan a laika hta, dai ga hkum (7) hta na langai rai nga ai,” Na a nsha hpe yu u, na a nnu hpe yu u” ngu ai ga si ni gaw, grai manu dan ai hte nam chyim rawng nga ai. Dai gaw Udang npu kaw nga nga ai ni kaw na Nu Maria hte kasa yawhan hpe tsun shingdaw da ai nan mung re. Kasa Yawhan gaw mungkan masha yawng hpe tsun shingdaw ai rai nna, dai masha yawng hpe yu lajang na matu, Maria hpe hpyi lajin dat ai.
Bai Madu Yesu gaw Udang ntsa kaw na, “Na a n`sha hpe yu u ngu nna, mungkan masha yawng hpe ap tawn da ai hpe yu ga nga yang e, kahtolic nawku hpung hta Nu Maria gaw kade ram nan ahkyak madung re ai lam dan dawng nga sai. San pra ai “Alphone tsun ai gaw, a si ra yang, hpun kaw sa u” Yesu hpe ra yang kanu Maria kaw sa u” ngahtet da sai.
Dai majaw Katholic hpung masha shagu Maria a poi hpe galaw yang nawku hpung a hkye la ai labau lam hta, Madu Yesu a nni nkri yu bak lam rai nga ai Udang lam npawt ndung du hkra shang lawm gun hpai ai prat, Karai a ra sharawng ai lam hpe hkam sharang ai hte hkap la chye ai myit, ni htep ra kadawn ai ni hpe tsawra myit garum shingtau chye ai myit ni, Nu Maria hpe teng sha tsawra ai rai yang, shi galaw sa ai mai kaja ai lam ni hpe ta tut hkan galaw sa nga ga law.
