San Ga Mahtai Lu Na Sa Ga Ban Dung Du, Htai Ya Ai Wa – Wa Jau Dr. Joseph Gawlu Yung Wa,
Ga San -Carol Singing ngu ai Hkrismat tau mahkawn ai hpe December Shata praw hta n mai shi ai, 14 ya lai jang she mai ai nga nna tsun ai; galoi sa yang she jaw na kun?
Htai – Nawku Hpung a Hkrismat Ladaw hpe dau lahkawng garan da nga ai. Dai gaw, Du Sa Ladaw hte Hkrismat ngu ai rai nga ai. December Shata 17 kaw nna 24 ya shani du hkra aten hta Yesu shangai wa na aten grai ni htep sai lam hpe dai laman anhte hti ai chyum mungga ni hku nna shadum ya ai. Dai aten hta gaw, anhte shada da, “Yesu Hkye La Madu shangai na rai sai yaw” ngu nna kabu gara mahkawn hkawn let shana hkat ai.
De a shawng na aten: December 1 ya kaw nna 16 ya laman hta hti ai chyum mungga ni gaw “Hkye La Madu paw pru na ra ai” lam hte seng ai Myihtoi ga ni hpe hti ga ai. Dai majaw, hkumhkrang myit masin kraw lawang hpe hkyen ai hku nna mai kaja ai amu bungli ni hpe galaw, akyu hpyi let ala ai aten rai nga ai.
Bai, langai mi jawm sadi ra ai lam gaw: Hkristan ni ndai ladaw hta shada garum shingtau ai amu magam ni hpe gaw nna akyu hpyi shakut na malai, Carol singing masing kaba ni hkyen la nna lama ma a matu fund, alu tam ai lam ni hpe koi yen ra ga ai. Dai gaw Nawku Hpung sharin ya ai lam n rai nga ai.
San Ai Wa– Shawng de Sam Mung, Loi Seng Urawng Man Lun mare hta nga lai mat wa nna, ya, Lashu Saradaw Gingwang, NamTun Urawng Bungmun Mare hta Shanu nga ai Yawsep Luksing Sau Yaw/ La Ring the Francisca Jangma Bawk Ja
